RTS telearnasy: «Hrapýnovtar otbasynyń esepshottary jabyldy»

Sársenbi, 5 jeltoqsan 2012 7:20

Qazaqstannyń Qarjy polısııasy Hrapýnovqa qatysty 20 qylmystyq isti tekke qozǵamaǵany belgili. Ataqty qashqyn elde júrip, túrli dárejedegi bılik tizginin ýysynda ustap otyrǵanda kóptegen qaterli qylmystyq áreketterge barǵan edi. Mine, endi Shveısarııanyń Jeneva qalasynyń prokýratýrasy iri kólemde qarajat jymqyrdy degen kúdikpen Hrapýnovtyń otbasyn tekserýdi bastady jáne Hrapýnov pen onyń áýletiniń barlyq esepshottary jabyldy, dep habarlady shveısarııalyq RTS telearnasy. Regnum aqparat agenttigi habarlaǵandaı, tekserýdi bastaý sheshimi aǵymdaǵy jyldyń kókteminde qazaqstandyq bıliktiń Shveısarııaǵa quqyqtyq kómek kórsetý jónindegi suranysyna baılanysty qabyldandy.

Sársenbi, 5 jeltoqsan 2012 7:20

Qazaqstannyń Qarjy polısııasy Hrapýnovqa qatysty 20 qylmystyq isti tekke qozǵamaǵany belgili. Ataqty qashqyn elde júrip, túrli dárejedegi bılik tizginin ýysynda ustap otyrǵanda kóptegen qaterli qylmystyq áreketterge barǵan edi. Mine, endi Shveısarııanyń Jeneva qalasynyń prokýratýrasy iri kólemde qarajat jymqyrdy degen kúdikpen Hrapýnovtyń otbasyn tekserýdi bastady jáne Hrapýnov pen onyń áýletiniń barlyq esepshottary jabyldy, dep habarlady shveısarııalyq RTS telearnasy. Regnum aqparat agenttigi habarlaǵandaı, tekserýdi bastaý sheshimi aǵymdaǵy jyldyń kókteminde qazaqstandyq bıliktiń Shveısarııaǵa quqyqtyq kómek kórsetý jónindegi suranysyna baılanysty qabyldandy.

Shveısarııalyq telearnanyń málimeti boıynsha, Credit Suisse ı Schroder & Co Bank AG bankilerindegi Hrapýnov otbasynyń esep-shottary jabyldy. Onyń ús­tine atalǵan bankterden Al­ma­tynyń burynǵy ákimine qa­tysty barlyq qujattar alyn­dy. Endi shveısarııalyq prokýratýra al­dynda Hrapýnovtyń jáne onyń týysqandarynyń 323 mıllıon dollardy qaıdan alǵandyǵyn anyq­taý máselesi tur.

Al búginde Hrapýnovqa qa­tys­ty 20 qylmystyq is, sonyń ishinde Shveısarııaǵa jáne of­fshor­lyq aımaqtarǵa aýdaryl­ǵan 48 mıllıon dollar jáne 7,7 mıllıon eýroǵa qatysty ister bar.

Jalpy, Hrapýnovtyń otbasy týraly sóz qozǵalǵanda adam tú­sinbeıtin jaǵdaılar kózge túsedi. Kez kelgen alaıaq ury ózi bastaǵan qylmystyq jaǵdaıdy óziniń ot­ba­synan aýytqytyp áketýdi kóz­deıdi. Al tergeý kórsetkendeı, urlanǵan qarajattyń kólemi bo­ıynsha Hrapýnov óte kúrdeli ury bolyp tabylady. Ol anaý-mynaý emes, elden 400 mıllıonnan asa dollar shyǵaryp áketti. Sonda qalaısha munyń qylmystyq syz­ba­syna onyń otbasy tartylǵan? Qalaısha ol adaldyǵy, jaýapkershiligi, tártiptiligi sekildi qun­dylyqtarymen otbasyn qorǵaı almaı qalǵan?

Múmkin mundaı qundylyqtar onda o basta bolmaǵan da shyǵar? Ol bul qylmystyq áreketterin bılik tutqasyn ustap otyrǵan kez­de júzege asyrǵany belgili. Jáne ol kezeń Hrapýnovtyń Al­ma­tydaǵy alaıaqtyq jáne jem­qor­lyq qylmystaryn órshitken sáti bolyp sanalady. Al ústi­miz­degi jyldyń qazan aıynda Vık­tor Hrapýnovtyń zaıyby Láılá Hrapýnovaǵa da baılanysty iri kólemde qarjy jymqyrý, alaıaq­tyq derekteri boıynsha izdeý jarııalanǵan bolatyn.

Hrapýnov budan keıin óziniń kúmándi mıllıondaǵan dollaryn qalaı jınaǵanyn jasyrý úshin Qazaqstanǵa qarsy naǵyz aqpa­rat­tyq shabýyldy bastady. Eshbir dálelderge negizdelmegen, tek óziniń oıdan qurastyrylǵan má­li­metterinen turatyn suhbat­tar­dy ońdy-soldy taratty. Degenmen onyń ótirik baıbalam sa­lýyna qaramastan qazaqstandyq quqyq qorǵaý organdary Alma­ty­nyń burynǵy ákimi ústinen qylmystyq is qozǵap, tekserý ju­mystaryn jalǵastyra berdi. Tekserý zańdy. О́ıtkeni, bul is­ter­diń barlyǵy atalǵan qashqyn­nyń óz elinde memlekettik qyz­met­te júrip jasaǵan jemqorlyq jáne ekonomıkalyq qylmysta­ry­na qatysty ekeni ras. Endi, mine, ony Jeneva prokýratýrasy da anyqtamaqshy.

Jalpy, Hrapýnov kenetten shveısarııalyq mıllıoner retinde qalaı paıda boldy degen saýalǵa naqty jaýap qaıtarý úshin qazaqstandyq quqyq qorǵaý organdary qashqynnyń kúmándi is-áreketiniń bárin teksergen edi. Sol tekserýde kóp mán-jaıǵa qa­nyqty. Sonyń ishinde Alma­ty­nyń burynǵy ákimine baıla­nys­ty qylmystyq baptardyń tizimi óte kóp. Munda «qyzmet babyn jeke bas maqsatyna paıdalaný», «iri kólemde para alý», «zań­syz jolmen tabylǵan qar­jy-qara­jattary men basqa da múlikterdi ja­rııalaý», «ózine senip tap­sy­rylǵan asa iri kó­lem­degi bótenniń múlkine zııan keltirý nemese jeke maqsa­tyna paıdalaný», «alaıaq­tyq» jáne tipti «uıymdasqan qyl­mystyq top­tyń qyzmetin qar­jylan­dyrý» sekildi baptar da bar.

Al Hrapýnovtyń isi Almaty­daǵy tabıǵat qorǵaýǵa jatatyn jer telimderin zańsyz taratý oqıǵalarynan týyndaǵan ý-shýǵa qatysty bastalǵandyǵy belgili. Sodan ol sońǵy qyzmetinen bo­sasymen-aq birden Shveısarııaǵa ketti. Biraq ondaǵy adamdar Hra­pýnovtyń Qazaqstannan sonshama kóp kólemdegi qarjyny alyp kelip, birden shveısarııalyq baı­lar­dyń qataryna qosyla qal­ǵa­nyna senimsizdikpen qarady. Sol senimsizdik onyń tekserilýine alyp keldi.

Qashqynnyń zaıyby Láılá Hrapýnovanyń da bul jaǵdaıda qylmystyq áreketi óte zor. Hrapýnov sııaqty onyń da Almatyda otbasylyq qylmyspen qalaı aı­nalysqanyn kózge elestetý qıyn emes. Onyń ishinde tergeý kórset­kendeı, olarda qylmystyq jolmen alynǵan quny 401,5 myń tu­ra­tyn saıajaı, 295 mln. turatyn turǵyn úı, oǵan qosa quny 122 mıllıon turatyn 3 páter bar. So­nymen qatar, bularǵa qos-qos turǵyn úımen jáne basqa da jyljymaıtyn 11 mıllıon tura­tyn jer telimderin, 5,5 mıllıonnan asatyn jerasty garajdaryn, jer telimderi men 380 mıllıon turatyn baspanalar men quny 24 mıllıon turatyn parkıngterdi qossańyz Hrapýnovtardyń ash­qa­raqtyǵy men qomaǵaılyǵy qan­daı ekenin baıqaı alasyz.

Árıne, joǵaryda aıtylǵan­daı, olardyń menshiginde osyn­sha­ma úıler bolsa da kásipker áıel­diń qol qýsyryp úıde otyr­maıtyndyǵy belgili. Ońaı dú­nıeni oljalaýǵa ol da qyzyǵyp, kenetten «qara bızneske» bas qoıdy. Bul kezde Láılá Hrapýnova atynda telearna jáne Al­ma­tynyń eki aýdanynda kólemi atshaptyrym jerge jaıylǵan zergerlik buıymdardy satatyn «VILED International» fırmasy boldy. Bul az ba? Árıne, az emes. Degenmen, Láılá Hrapýnovanyń joǵaryda aıtylǵandardyń bárin qalaısha tez arada satyp alǵany suraq bolyp týyndaıtyny, kimdi bolsa da oılandyratyny shyn­dyq.

Hrapýnovtar otbasynyń ba­ı­lyqtaryn tizý munymen shektelmeıdi. Bularǵa taǵy qosymsha Hra­pýnovtardyń avtoparkin: BMW 850, quny 1,5 mıllıon turatyn Mersedes Benz, Mersedes Benz S 500 I, Maybach 62, Land Rover jáne Range Rover kólikterin qo­syńyz. Qalaı paıdalanamyn dese de kez kelgen dárejedegi baǵaly da qundy kólik jetip artylady. Bul kólikterdi atalǵan otbasy músheleri tegis paıdalandy. Hra­pý­novtardyń barlyǵy da «Phoe­nix. VL» JShS quryltaıshysy bolyp tabylady. Osy JShS-lar arqyly olar Almatydaǵy jańa áýejaıdyń qurylysyn qamta­ma­syz etýde bıýdjettiń sheksiz qarajatyn ótkizdi. Demek, Láılá Hrapýnova, tergeý kórsetkendeı, óziniń kúıeýimen birge tutas uıymdasqan qylmystyq topty basqarǵany belgili boldy. Áıt­pese, osynshama qysqa ýaqyttyń ishinde olar qalaısha 100 mıl­lıondaǵan dollardy úptep jáne 20 tonnaǵa jýyq baǵaly múlik­terdi ushaqqa tıep, shetel asyp kete alady. Sondyqtan da Hra­pýnovqa baılanysty izdeý ja­rııalanǵany tańsyq emes. Al izdeý sońy endi Hrapýnovtyń basar jeri, shyǵar taýy qalmaǵan­dyǵyn bildirip, ol sekildi qalǵan ishtegi, syrttaǵy sybaılas jem­qorlardyń da tyǵyryqqa tirelgenin sezdiredi. Endeshe, «kóp asqanǵa bir tosqan» degen osy.