Almaty qalasynyń kásipkerlik jáne ınvestısııalar basqarmasy О́ńirlik joba bıýrosynyń qurylymynda «Damý» AQ óńirlik fılıaly, Qazaqstannyń qarjygerler qaýymdastyǵy, ekinshi deńgeıli bankterdiń basshylary bar. О́ńirlik jobalyq keńsesiniń tóraǵasy bolyp Almaty qalasy Kásipkerler palatasynyń dırektory Baǵdat Telebaı taǵaıyndaldy.
Keńse negizinen jeńildikpeni nesıe berý baǵytynda jumys isteıdi. «Bıznes jol kartasy-2020» baǵdarlamasy sheńberinde tarıfti sýbsıdııalaý esebinen merzimi 7 jyldy quraıtyn, túpkilikti qaryz alýshylar úshin nomınaldy syıaqy stavkasy –8% nesıe qarastyrylǵan.
Sonymen qatar, bul jobada «qolmen rejımde» baǵdarlasy boıynsha kásipkerlerdi qajetti qoldaýmen qamtamasyz ete otyryp, bıznes-jospardy jáne qarjylandyrýdy tolyq iske asyrýdy qamtamasyz etedi. Bul joba aıasynda keshendi tásilimen jańa óndiristerdi qurýǵa, «qaıta júkteýge» jáne jańǵyrtýǵa múmkindik beredi. Esterińizge sala keteıik, Memleket basshysynyń tapsyrmasy boıynsha Qazaqstan úkimeti «qarapaıym zattardyń» ekonomıkasyn qarjylandyrý úshin 600 mlrd. teńge bólgen bolatyn.
Jeńildikti nesıeler azyq-túlik, jıhaz ónerkásibi, qurylys materıaldaryn óndirý jáne aýyl sharýashylyǵy salasyndaǵy jobalarǵa beriledi. Baǵdarlama boıynsha 2025 jylǵa qaraı taýarlardyń 365 túrin óndirýdi 2,4 esege kóbeıtýge, sondaı-aq ımport úlesin 37%-ǵa deıin azaıtýǵa múmkindik beredi.
Sonymen 1 sáýir kúni Almaty qalasynyń Kásipkerler palatasy bazasynda óńdeý ónerkásibiniń básekege qabilettiligin arttyrý úshin ashylǵan jobalyq keńsesiniń tusaýkeseri ótedi.
Aınash ESALI,
«Egemen Qazaqstan»
ALMATY
