Búginde «Halyqqa kómek» jobasy aıasynda «Nur Otan» partııasynyń Qoǵamdyq qabyldaý bólmeleri Biryńǵaı áleýmettik tereze júıesi boıynsha qyzmet kórsetýde. Soǵan sáıkes qoǵamdaǵy ózekti áleýmettik máselelerdi jedel ári tıimdi sheshý úshin buqaralyq aqparat quraldary men áleýmettik jelilerge jarııalanǵan aqparattarǵa taldaý jasalyp, aldyn alý monıtorıngi júrgiziledi. Osylaısha qabyldaý bólmeleri «jedel ári bir jerde» qaǵıdasy boıynsha jumys istep, ózekti máselelerdiń oń sheshilýine yqpal etpek.
Máýlen Áshimbaev partııanyń Aqtóbe oblystyq fılıalynyń qoǵamdyq qabyldaý bólmesine arnaıy at basyn buryp, jańa bastamanyń mańyzyna toqtaldy. О́z sózinde ol qazirgi tańda partııa halyq pen bılikti baılanystyrýshy altyn kópir retinde qalyptasqanyn, aıtyp, «Nur Otan»-nyń basty mindeti halyqtyń máselesin tıimdi sheshýge yqpal etý ekenin tilge tıek etti.
– «Halyqqa kómek» jobasy Elbasynyń tikeleı tapsyrmasymen qolǵa alynyp otyr. Onyń basty maqsaty – memleket tarapynan kórsetiletin barlyq áleýmettik kómekti Biryńǵaı áleýmettik tereze arqyly bir jerden ári jedel túrde halyqqa jetkizý. Partııa bul iske memlekettik organdardy, úkimettik emes uıymdardy jáne bıznes qaýymdastyqty da jumyldyryp, olardyń qyzmetterin úılestirýshi rólin atqarady, – dedi Máýlen Áshimbaev.
Jańa bastama qolǵa alynǵaly beri azamattar óz ótinishterin jeke qabyldaý, saıt, elektrondy poshta, Call Center sııaqty dástúrli joldardan bólek, áleýmettik jelilerdegi paraqshalar, WhatsApp messendjeri, ákimdikterdiń sıfrly qyzmeti jáne elektrondy Úkimet portaly arqyly da joldaýǵa múmkindik aldy. Bul iske qoǵamdyq qabyldaý bólmeleriniń qyzmetkerlerimen birge memlekettik organ ókilderi, qajet jaǵdaıda salalyq mamandar da jumyldyrylady.
Biryńǵaı áleýmettik tereze júıesiniń jumysy taıaýda ǵana bastalǵanyna qaramastan qazirdiń ózinde óz jemisin bere bastady. Máselen Aqtóbe oblysy boıynsha búginge deıin 80-nen astam kóp balaly otbasynyń ókilderi atalǵan áleýmettik tereze arqyly ótinish bildirgen. Sonyń 30 paıyzdan astamy jedel sheshimin tapsa, qalǵan ótinishter boıynsha tıisti jumystar qolǵa alyndy. Bul rette ótinishterdiń negizgi bóligi baspanamen qamtý, áleýmettik qamsyzdandyrý, jumyspen qamtý jáne materıaldyq qoldaý kórsetý máselelerine qatysty ekenin atap ótken jón.
Sonymen qatar sapar barysynda Máýlen Áshimbaev oblys ákimi Ońdasyn Orazalınmen birge az qamtylǵan otbasylarǵa páter kiltin tapsyrý rásimine qatysty. Mundaı kóńil jadyratar ıgi is «Baqytty otbasy» jobasy aıasynda júzege asyrylyp otyr. Jańa úıler oblys ortalyǵynyń «Nur-Aqtóbe» shaǵyn aýdanynda ornalasqan. Bul kúni qonys toıyn toılaǵandar qatarynda kóp balaly otbasy, jas otbasy, ata-ana qamqorlyǵynsyz qalǵandar jáne múmkindigi shekteýli jandar boldy.
Olardy qýanyshty sátpen quttyqtaǵan partııa Tóraǵasynyń Birinshi orynbasary bul Elbasy saıasatynyń nátıjesi ekenine nazar aýdardy.
– Halyqtyń ál-aýqatyn odan ári arttyrý Elbasy saıasatynyń negizgi basymdyǵy bolyp tabylady. Sonyń ishinde baspanamen qamtýdyń mańyzy zor. Osy turǵydan kelgende, Elbasynyń tikeleı tapsyrmasymen aıtarlyqtaı jumystar atqarylyp, úlken nátıjelerge qol jetkizip jatyrmyz, – dedi Máýlen Áshimbaev.
Sondaı-aq ol «Nur Otan» partııasynyń kezekti XVIII sezinde partııa Tóraǵasynyń konseptýaldy baıandama jasaǵanyna nazar aýdaryp, Elbasynyń atalǵan sezdegi sózi, ótken jyldyń qazan aıyndaǵy Qazaqstan halqyna arnaǵan Joldaýy jáne Bes áleýmettik bastamasy elimizdiń qazirgi tańdaǵy jańa áleýmettik doktrınasynyń negizin qalap bergenin atap ótti.
О́z kezeginde oblys ákimi Ońdasyn Orazalın aımaqta halyqty baspanamen qamtý jumystary qarqyndy júrgizilip kele jatqanyna nazar aýdardy.
– Elbasy tapsyrmasy sáıkes óńirimizde halyqtyń ál-aýqatyn arttyrý baǵytynda kóptegen jumystar istelýde. Bir ǵana baspanamen qamtý máselesi boıynsha byltyrdyń ózinde 900 myńnan astam sharshy metr turǵyn úı tapsyryldy. Sonyń nátıjesinde kóptegen áleýmettik az qamtylǵan otbasylar baspanaly boldy. Bıyl da osy jumystar óz jalǵasyn tabady, – dedi Ońdasyn Orazalın.
О́ńirge sapary kezinde «Nur Otan» partııasy Tóraǵasynyń Birinshi orynbasary Aqtóbe qalasyndaǵy erekshe talaptardy qajet etetin jandarǵa arnalǵan «Coworking space» ortalyǵyna da bardy. «Kedergisiz keleshek» partııalyq jobasy aıasynda elimiz boıynsha alǵash ret ashylǵan bul ortalyq múmkindigi shekteýli jandarǵa qyzmet kórsetýge baǵyttalǵan.
Mundaı ortalyqtardyń kez kelgen qoǵam úshin mańyzy zor ekenin aıtqan partııa Tóraǵasynyń Birinshi orynbasary elimizde múmkindigi shekteýli jandar úshin «kedergisiz orta» qalyptastyrý Elbasynyń tikeleı tapsyrmasy ekenin jetkizdi.
– «Nur Otan» partııasy bul salada múmkindigi shekteýli jandardyń ınklıýzıvti bilim alýyna, olardyń jumysqa ornalasýyna, saıası-qoǵamdyq is-sharalarǵa belsene qatysýyna jáne qoǵamda kedergisiz orta qalyptastyrýǵa baǵyttalǵan naqty basymdyqtar boıynsha jumys isteýde. Bul iste Aqtóbede ashylǵan osyndaı ortalyqtardyń tıgizer áseri mol. Sondyqtan ony elimizdiń barlyq óńirine úlgi retinde kórsetemiz, – dedi Máýlen Áshimbaev.
Ári qaraı «Nur Otan» partııasy Tóraǵasy Birinshi orynbasarynyń sapary Qobda aýdanynda jalǵasty. Atap aıtqanda, Máýlen Áshimbaev Qobda aýylyndaǵy dene shynyqtyrý jáne saýyqtyrý kesheninde boldy. Zaman talaptaryna saı salynǵan bul sport nysanynda basseın, fıtnes jáne jattyǵý zaly, fýtbol, voleıbol, basketbol alańdary bar.
Sondaı-aq partııa Tóraǵasynyń Birinshi orynbasary I.Taımanov atyndaǵy Qobda gımnazııasyna at basyn buryp, aýdannyń «Rýhanı jańǵyrý» jobalyq keńsesinde, partııalyq jobasy aıasynda ashylǵan IT-synypta jáne mektep ashanasynda boldy. Bul jumystardyń barlyǵy Elbasynyń tikeleı tapsyrmasymen qolǵa alynǵan «Aýyl – el besigi» jáne «Qutty meken» partııalyq jobalary aıasynda júzege asyrylýda.
Odan bólek, kásipkerlikke bet burǵan belsendi aýyl jastarymen kezdesken Máýlen Áshimbaev eldiń bolashaǵy jas býynnyń qolynda ekenin aıtty.
– Jastar armanshyl bolýy kerek. Kózdegen maqsatqa jetý úshin qajyrly eńbek pen tabandylyq qajet. Elbasy jastardyń zamanǵa saı damýyna barlyq jaǵdaıdy jasap berdi, – dedi partııa Tóraǵasynyń Birinshi orynbasary.
Sonymen birge Máýlen Áshimbaev «Nur Otan» partııasy Aqtóbe oblystyq fılıalynyń konferensııasyna qatysty. Jıynnyń kún tártibinde qaralǵan máselelerdiń biri partııa oblystyq fılıalynyń tóraǵasyn saılaý boldy. Buǵan deıin bul qyzmetti atqaryp kelgen Berdibek Saparbaevtyń taıaýda basqa qyzmetke aýysqany belgili. Osyǵan oraı Máýlen Áshimbaev Elbasy, partııa Tóraǵasynyń tapsyrmasyna sáıkes «Nur Otan» partııasy Aqtóbe oblystyq fılıalynyń tóraǵalyǵyna óńir basshysy Ońdasyn Orazalınniń kandıdatýrasyn usyndy. Ony konferensııaǵa qatysýshylar biraýyzdan qoldap, oblys ákimi partııa aımaqtyq fılıalynyń tóraǵasy bolyp saılandy.
Odan bólek, jıynda partııanyń kezekti XVIII sezinde Elbasy aıqyndap bergen jańa mindetterdi oryndaýdyń tıimdi tetikteri talqylanyp, joǵaryda atalǵan tórt áleýmettik jobany Aqtóbe oblysynda jemisti júzege asyrý barysy pysyqtaldy. Osy baǵytta óńirdiń aldynda turǵan basymdyqtarǵa nazar aýdarǵan Máýlen Áshimbaev atalǵan jumystardyń utymdy tustaryna toqtalyp ótti.
Sondaı-aq ol Elbasy Nursultan Ábishuly Nazarbaevtyń prezıdenttik ókilettigin óz erkimen toqtatý týraly sheshimine nazar aýdaryp, Tuńǵysh Prezıdentimizdiń qashanda el men halyqtyń múddesin birinshi kezekke qoıyp, árdaıym durys sheshimder qabyldaıtynyn aıtty.
– Qazaqstan halqy úshin Elbasynyń esimi qashanda memlekettilik, egemendik jáne Táýelsizdik sııaqty asa mańyzdy qundylyqtarmen bir qatarda turady. Elimizdiń barlyq jeńisteri men jetistikteri Tuńǵysh Prezıdentimizdiń esimimen tyǵyz baılanysty. Sondyqtan Nursultan Ábishuly Nazarbaev Elbasy, Qazaqstan tarıhynda táýelsiz memlekettiń negizin qalaǵan, qazaqtyń memlekettiligin qaıta jandandyrǵan uly tulǵa, barlyq reformalardyń avtory, álemdik deńgeıdegi iri saıasatker retinde máńgi qalady, – dedi Máýlen Áshimbaev.
О́z sózinde partııa Tóraǵasynyń Birinshi orynbasary Elbasynyń eldiń damýyna sińirgen eńbekterine nazar aýdaryp, Tuńǵysh Prezıdentimizdiń esimin elordaǵa berý Qazaqstan saıasatynyń aldaǵy ýaqyttaǵy baǵyt-baǵdaryn kórsetetinin aıty.
Budan basqa ol Elbasynyń Qaýipsizdik keńesiniń Tóraǵasy, «Nur Otan» partııasynyń Tóraǵasy, Qazaqstan halqy Assambleıasynyń Tóraǵasy jáne Konstıtýsııalyq Keńestiń múshesi retinde el damýyna odan ári yqpal ete beretinine nazar aýdaryp, soǵan baılanysty aldaǵy ýaqytta burynǵydan da belsendi jumys isteý kerektigin tilge tıek etti.
– Qazirgi tańda Qazaqstan damýdyń jańa kezeńine qadam basyp otyr. Bul partııanyń el damýyndaǵy rólin odan ári arttyra túsedi. Halyqtyń da sezde aıtylǵan sharalardan úlken úmit kútetini belgili. Sondyqtan partııa el damýynyń jańa kezeńinde jańa qarqynmen, erekshe ekpinmen jumys isteýi qajet, – dedi «Nur Otan» partııasy Tóraǵasynyń Birinshi orynbasary.
Sonymen birge Máýlen Áshimbaev Aqtóbe mańyndaǵy Qarǵaly eldimekeninde ornalasqan «Energııa tıimdiligi ortalyǵynda» bolyp, sıfrlandyrý baǵyty boıynsha atqarylyp jatqan jumystarmen tanysty. Sondaı-aq oblys ortalyǵyndaǵy avtoklavty gazbeton bloktaryn daıyndaıtyn «TD Foton» zaýytyna arnaıy baryp, kásiporynda júrgizilip jatqan jóndeý jáne jańǵyrtý jumystarynyń jaı-kúıine nazar aýdardy.
Aqtóbe
