Arnaıy bilim berýdi qajet etetin balalary bar ata-analar úshin bilim berý, ońaltý, áleýmettik beıimdeý máselesiniń sheshilýi – aldyńǵy sharttardyń biri. «Astana» ÁKK» AQ habarlaýynsha, qalada búgingi kúnge 7557 bala arnaıy baqylaýǵa alynǵan.
«Bul joba – «Astana» ÁKK» AQ qoldaǵan kóp jobalardyń biri. Qala ákimdigi kompanııaǵa turǵyn emes jaılardy senimgerlik basqarýǵa bergen bolatyn, arnaıy baǵdarlama ázirlenip, bekitildi. Osy qujatqa saı turǵyn emes jaılardyń basym kópshiligi áleýmettik jobalardy júzege asyrý maqsatynda jalǵa berilýde. Búgingi tańda áleýmettik jobalardy júzege asyratyn qorlar men uıymdarǵa eń tómengi baǵamen ÁKK barlyǵy 5400 sharshy metr turǵyn emes jaıdy jalǵa berdi.
Biz aldaǵy ýaqytta da elordamyzdyń mańyzdy áleýmettik jobalaryn júzege asyrýǵa atsalysamyz», – dedi «Astana» ÁKK» AQ Basqarma tóraǵasy m.a. Rústem Qýanyshbaev. Balabaqshada 2,5 jastan 7 jasqa deıingi 55 bala aqyly negizde qabyldansa, kópbalaly jáne turmysy tómen otbasylardan shyqqan erekshe qajettilikti talap etetin 65 bala tegin bilim alady.
