«Shynynda, Olımpıada chempıony Dmıtrıı Balandınniń kóliginiń aınasyn urlaý faktisi tirkeldi. Qazirgi ýaqytta tergeý amaldary júrgizilip jatyr. Beınebaqylaý kameralary atalmysh qylmysty túsirip alǵan. Sol sebepti, Almaty qalasynyń Polısııa departamentiniń jedel qyzmetkerleri atalǵan qylmysty jasaǵandardy ustaıdy degen úmittemiz», - dedi Iýrıı Ilın Astanadaǵy Ortalyq kommýnıkasııalar qyzmetinde ótken baspasóz máslıhatynda.
Aıta ketsek, keshe birqatar BAQ kózderi Almatyda belgisiz bireýler sportshynyń kóliginiń aınasyn urlap ketkeni týraly habarlama taratqan bolatyn. Balandın dostarymen dámhanada tamaqtanyp shyqqannan keıin, mashınasynyń aınasyp tappaı qalǵan. Urlyq týraly polısııaǵa habar bergen.
«Kóligimniń markasy Toyota Land Cruiser. Ony Olımpıadadan keıin syılaǵan bolatyn. Bir aınanyń baǵasy 400 myń teńge shamasynda. Aına urlyǵy áli toqtaǵan joq. Bizdiń halyq ózgermeıdi», - dep keltirgen bolatyn sportshynyń sózderin inalmaty.kz saıty.
