Spartakıadanyń ashylý rásimi Qyzylorda oblysynda QR QK tikushaǵynyń apatqa ushyraýy kezinde qaza tapqan áskerı qyzmetshilerge qurmet kórsetý boıynsha únsizdik mınýtynan bastaldy, dep habarlaıdy sharanyń uıymdastyrýshylary.
Desanttyq-shabýyldaý áskerleri qolbasshysynyń orynbasary polkovnık Radjan Janysovtyń aıtýynsha, sportpen aınalysýǵa ýájdeme jasaýdan basqa búgingi jarystyń basty maqsaty áskerı qyzmetshilerdiń balalary qatarynan Armııa ortalyq sport klýbynyń áleýetti sporttyq rezervisin qalyptastyrý bolyp tabylady. Qarýly Kúshterdiń qataryn tolyqtyryp, armııalyq klýbtyń namysyn respýblıkalyq jáne halyqaralyq mańyzy bar saıystarda qorǵaıtyn jas urpaq ekeni daýsyz. Shara aıasynda 11 áskerı garnızonnan kelgen 140-tan asa bala qazaq kúresi, taekvondo, ústel tennısi, mını fýtbol jáne estafeta túrinde 400 metrge júgirý boıynsha sporttyń bes túrinen baq synasty.
Saıys qorytyndysy boıynsha áskerı qyzmetshilerdiń balalary arasynda Taraz garnızonynyń komandasy birinshi oryndy, Gvardeısk garnızonynyń sportshylary ekinshi oryndy jáne Semeı garnızonynyń komandasy úshinshi oryndy ıelendi.
