Bul qatysýshylar saýalnamasynyń qorytyndylary boıynsha álemdegi úzdik jarys atandy.
«Biz asa bedeldi marapatqa ıe bolǵanymyzǵa qýanyshtymyz. Biz úshin bul taǵy bir jetistik. Qazaqstanda, Ortalyq Azııa men TMD-nyń alǵashqy memleketinde IRONMAN jarysynyń paıda bolýynyń ózi – úlken tabys. Osyndaı is-sharany ótkizý kóptegen kúsh pen jigerdi talap etedi. Osynyń bárine jumyldyrylǵan adamdardyń uıymdasqan eńbegi septigin tıgizdi. Sondyqtan da biz Qazaqstan Respýblıkasynyń Mádenıet jáne sport mınıstrligine, Nur-Sultan qalasynyń ákimdigine, polısııaǵa jáne qutqarý qyzmetine kórsetken qoldaý úshin úlken rızashylyǵymyzdy bildiremiz. «RG Brands», «VR-swimming», «Sport álemi», «Sesnabank», LSM operatory kompanııalarynyń atynan bizdiń seriktesterimizdiń arqasynda biz qatysýshylar úshin jaıly jaǵdaıdardy qamtamasyz ettik. Sonymen qatar, bizge, bul jarysty daıyndaýǵa kúni-túni kómektesken QVolunteers, International SOS volonterlerimizdi nazardan tys qaldyrýǵa bolmaıdy» -dep bólisti uıymdastyrýshylar marapatty alǵannan keıin.
Eske salaıyq, 2017 jyly Dúnıejúzilik trıatlon korporasııasy basqa da toǵyz úmitker bolǵan elden Qazaqstandy tańdaı otyryp, Qazaq geografııalyq qoǵamyna franshızany tabys etti. Ironman 70.3 ASTANA jarysynda 2018 jyly ártúrli jastaǵy trıalon áýesqoılary, áıelder men erler, onyń ishinde sportshylar, saıası qaıratkerler, memlekettik mekemelerdiń basshylary, bıznes ókilderi qatysty. Tanymal qatysýshylar arasynda olımpıadalyq chempıon – QR Dene shynyqtyrý jáne sport isteri jónindegi komıtet tóraǵasy Serik Sápıev, olımpıadalyq chempıon - Astana Pro Team bas menedjeri Aleksandr Vınokýrov, Olımpıadalyq oıyndar qatysýshysy - trıatlonshy Ekaterına Shatnaıa, Kýıla-Konda IRONMAN álem chempıonatynyń Qazaqstannan alǵashqy qatysýshylary Naǵıma Kerimbaeva jáne Pavel Artıýshenko bar. Barlyǵy jarysqa álemniń 47 elinen 1319 sportshy qatysty, olardyń 791-i – qazaqstandyqtar.
