Onyń
quramyna kásipkerlik basqarmasynyń, ónerkásip jáne ındýstrııalyq - ınnovasııalyq
damý basqarmasynyń, aýyl sharýashylyǵy basqarmasynyń jáne «Damý» KDQ AQ ókilderi
kirdi.
Keńse jumysynyń negizgi baǵyty basym jobalardy jeńildikpen nesıeleý baǵdarlamasyn iske asyrýǵa járdemdesý, kásipkerlerdiń ınvestısııalyq belsendiligin yntalandyrý jáne kásipkerlik bastamany iske asyrý úshin qolaıly quqyqtyq, ekonomıkalyq jáne áleýmettik jaǵdaılar jasaý bolyp tabylady.
- Bastapqy qaıta óńdeý ónimderinen bastap daıyn ónim óndirýge deıingi óndiristik sıkldiń barlyq kezeńderin damytýǵa erekshe nazar aýdarylatyn bolady. Mamandar sondaı-aq kásiporyndardyń dıagnostıkasyn anyqtap, jergilikti atqarýshy organdarmen birge qujattama, kepildendirýdi qamtamasyz etý, ótkizý naryqtaryn izdestirý salasynda týyndaıtyn problemalyq máselelerdi sheshetin bolady, - dep túsindiredi aımaqtyq jobalaý keńsesiniń tóraǵasy Ernar Kúlpeısov.
Onyń aıtýynsha, jobalaý keńsesi bıznes jobalaryn bıznes-jospardy ázirleý satysynan qarjylandyrýǵa deıin súıemeldeý, jobalardyń turaqty monıtorıngin júzege asyrý, bankter nesıelendirýden bas tartýdyń sebepterin anyqtaý, olardy qoldaý boıynsha jańa tetikterdi usynady.- Jobalyq keńseniń túsindirý kezdesýleri apta saıyn kásipkerler palatasynda ótedi, - dedi Ernar Kúlpeısov.
