Fılm jolbarystardy qorǵaýmen, olardy kóbeıtýmen aınalysatyn álemniń eń iri degen eki tabıǵı aýmaǵynda túsirilgen. Atalǵan jobanyń Qazaqstan úshin de mańyzy joǵary. Qazaqstanda eki jyldan bergi aralyqta jolbrystardy kóbeıtý jobasy belsendi júzege asyp keledi. Búginde joba aıasynda 415 myń gektardy alyp jatqan Ile-Balqash rezervaty jumys isteıdi.
Tanystyrylym barysynda WWF Reseı Ortalyq Azııa baǵdarlamalarynyń dırektory Grıgorıı Mazmanıans turan jolbarysynyń joıylyp ketý qaýpine baılanysty ázirlegen zertteý maqalasyn oqydy. Sarapshy óz baıandamasynda Ile-Balqash rezervatyn damytý Qazaqstan úshin ǵana emes jolbarystardy álem boıynsha qorǵaýǵa baǵyttalǵan ıgi shara ekenin atap ótti.
Qazaqstandyq Start-time.kz kraýdfandıng platformasynyń dırektory Azıza Ýtegenova «Ile-Balqash» memlekettik tabıǵı rezervaty jobasy týraly kópshilikti habardar etý kampanııasynyń ashylǵandyǵynan habardar etti. Kampanııanyń jolbarys týraly tolyq aqparat bere otyryp, ásirese balalarǵa tıisti bilim men tájirıbe berýdegi mańyzyna toqtalǵan ol qazirgi kezde Hoým Kredıt bank tarapynan bir mıllıon teńge aýdarylǵandyǵyn jetkizdi.
