«Astana LRT» JShS basqarmasynyń tóraǵasy Bekmyrza Igenberdınov qalalyq ákimdikte ótken otyrysta qaladaǵy jolaýshylar tasymaly salasynda jol qaýipsizdigin qamtamasyz etý boıynsha is-sharalar josparynyń jobasy jol qozǵalysy qaýipsizdigi boıynsha keshendi taldaý jáne zertteýler (qaýipti aımaqtardy baǵalaý, avtoturaqtar, jyldamdyqty shekteý jáne t.b.) júrgizýdi talap etetindigin jetkizdi. Sonymen qatar, kólik zańnamasyn saqtaý jáne buzýshylyqtardy boldyrmaý úshin memlekettik organdarmen birlesip qadaǵalaý, tekserý, monıtorıng júrgiziledi.
Onyń aıtýynsha, 28 naýryzdan bastap jolaýshylar avtokólik quraldaryn kúndelikti aldyn-ala tekserý jáne júrgizýshilerdi medısınalyq tekserýden ótkizýge arnalǵan eki aılyq ótkiziletin bolady.
«Elordalyq avtobýs parkteri avtobýstardy baǵdarlarǵa shyǵarý erejesin tolyǵymen qaıta qarastyrady. Qazirgi tańda tıisti keńester túzilgen jáne onda avtobýs júrgizýshileriniń jeke kelisimsharttaryn qaıta qarastyrý da bar. Naqtyraq aıtqanda, mindetti medısınalyq tekseristi 1 jyldan 6 aıǵa qysqartý kózdelýde», – dedi Bekmyrza Igenberdınov.
2019 jyldyń basynan bastap qalalyq iKomek monıtorıng jáne jedel áreket etý ortalyǵyna 82 myń shaǵym túsken. Bul – kesteni saqtamaý, ekıpajdyń burys áreketi, aıaldamadan ótip ketý sııaqty buzýshylyqtarǵa qatysty shaǵymdar.
«Qala turǵyndarynyń qaýipsizdigi men kórsetiletin qyzmetterdiń sapasy birinshi orynda turýy tıis. Ásirese, qoǵamdyq kólikte qaýipsizdikti qamtamasyz etý asa mańyzdy», – dedi Baqyt Sultanov.
Otyrys qorytyndysy boıynsha qala ákimi jol qozǵalysy qaýipsizdigin baqylaý kúsheıtiletinin tilge tıek etip, tıisti qalalyq basqarmalardyń basshylaryna birqatar naqty tapsyrma berdi.
Polısııa departamenti, Kólik jáne jol-kólik ınfraqurylymyn damytý basqarmasyna «Bus Lane» jolaqtary boıynsha negizgi aǵynnyń ilespe baǵytynda kólik quraldarynyń jyldamdyǵyn 40 km/saǵ deıin, qarsy baǵyttaǵy kólik quraldarynyń jyldamdyǵyn 30 km/saǵ deıin shekteý; joldaǵy eskertý jáne tyıym salý belgilerin azaıtý júkteldi.
Qoǵamdyq densaýlyq saqtaý basqarmasy barlyq júrgizýshiler men konsýltanttardan esirtki quraldaryn, joǵary/tómen qan qysymymen zardap shegetin sozylmaly aýrýlar faktilerin anyqtaý úshin keshendi taldaý júrgizýi tıis.
Polısııa departamenti Investısııalar jáne kásipkerlikti damytý basqarmasymen birlesip júk kóliginiń qozǵalysyn shekteý týraly ákimdik qaýlysynyń oryndalýyna baqylaýdy kúsheıtýi; «Sergek» júıesi arqyly júk kóligi qozǵalysyn shekteý týraly jol erejesin buzýshylyqtardy avtomatty tirkeýdi engizýi qajet.
Kólik jáne jol-kólik ınfraqurylymyn damytý basqarmasy jáne «Astana LRT» JShS-ne qoǵamdyq kólik júrgizýshileriniń medısınalyq kýálandyrý rásiminen ótýin sıfrlandyrý jumystaryn júrgizý tapsyryldy.
