- Jobalarǵa monıtorıng júrgiziledi. Bankter ne sebepti nesıeleýden bas tartady, bıznes-jobalardy qoldaýdyń qandaı jańa mehanızmderi bar? Osy baǵytta kásipkerlerge jan-jaqty túsindiriledi, - deıdi óńirlik Kásipkerler palatasynyń basshysy Abdolla Idresov.
«Qarapaıym zattar ekonomıkasy» týraly QR Tuńǵysh Prezıdenti N.Nazarbaevtyń halyqqa Joldaýynda aıtylǵan. Elbasy tapsyrmasyn iske asyrý – basty mindet. Jergilikti jobalardy jeńildikpen nesıeleý baǵdarlamasyna jete mán beriledi. Osy maqsatqa qaralǵan 600 mlrd teńgeniń 400 mlrd teńgesi óńdeý ónerkásibi salalaryna baǵyttalady.
Jobalyq alqa quramynda oblystyq kásipkerlik jáne ındýstrıaldy-ınnovasııalyq damý basqarmasy men «Damý» qorynyń Atyraýdaǵy bólimshesiniń ókilderi bar. Joba bastamashylary qazirden bastap ekinshi deńgeıli bankterge jeńildetilgen nesıege ótimin berýge bolatynyn aıtady. 2025 jylǵa qaraı «qarapaıym zattar ekonomıkasy» aıasynda 16 myń turaqty jumys ornyn quryp, bıýdjetke salyq túsimderin 1,1, trln teńgege deıin jetkizý kózdelip otyr. Sol arqyly óndiris kólemi artyp, ımport úlesi 37 paıyzǵa qysqarady.
Oblystyq kásipkerlik jáne ındýstrıaldy-ınnovasııalyq damý basqarmasynyń basshysy Aıqyn Eleýsizovtiń aıtýynsha, mundaı jobalyq alqa elimizde alǵash ret Atyraý oblysynda qolǵa alynyp otyr. Bul – kásipkerlerge úlken múmkindik.
Baqytgúl BABASh,
«EgemenQazaqstan»
ATYRAÝ
