«1 sáýirden bastap bes mekenjaı boıynsha halyqty jumyspen qamtý ortalyǵynda jáne aýdan ákimderiniń tórt apparatynda ataýly áleýmettik kómek taǵaıyndaý úshin azamattardy qabyldaý bastaldy. Barlyǵy 436 adam júgindi. 342 adam halyqty jumyspen qamtý ortalyǵyna, 25 adam Almaty aýdanynyń apparatyna, 19 adam Baıqońyr aýdanynyń apparatyna, 10 adam Esil aýdanynyń apparatyna jáne 40 adam Saryarqa aýdanynyń apparatyna júktelgen. Olardyń barlyǵyna konsýltasııalyq kómek kórsetildi», – dep málimdedi qalalyq jumyspen qamtý ortalyǵynyń baspasóz qyzmetinde.
Aldyn ala esepteýler boıynsha, ataýly áleýmettik kómek qazirgi tańda ótinish bergen 436 qala turǵynynyń 128-ne ǵana kórsetiledi.
Vedomstvonyń málimetinshe, barlyq pýnktterde 36 jaýapty qyzmetker bekitilgen, olar oqýdan ótip, jumys oryndarymen jabdyqtalǵan.
Esterińizge sala keteıik, jańa formattaǵy AÁK 2500 otbasyn qamtıdy, bul – 12 060 adam, qarjylandyrý somasy 1 mlrd 59 mln teńgeni quraıdy.
Nur-Sultan qalasy boıynsha eń tómengi kúnkóris deńgeıi 2019 jyldyń 1 toqsanynda 30 817 teńgeni, 2019 jyldyń 2 toqsanynda 21 572 teńgeni qurady.
