«Halyqtyń áleýmettik jaǵdaıyn, turmys sapasyn jaqsartý eshqashan kún tártibinen túspeıdi. Kóp balaly analardyń jaǵdaıy – áleýmettik salanyń barometri. Deni saý anadan deni saý urpaq týady. Sapaly medısınalyq kómek, laıyqty bilim alǵan baladan otanshyl, myqty azamat shyǵady. Iаǵnı, adam kapıtalyn damytý analardyń áleýmettik jaǵdaıyn jaqsartýmen tikeleı baılanysty. Analarymyz otbasynyń ǵana emes, qoǵamnyń da uıytqysy ekenin umytpaýymyz kerek» dedi Prezıdent.
Budan keıin Memleket basshysy áleýmettik salany jaqsartý úshin atqarylyp jatqan jumystarǵa toqtaldy.
«Aldaǵy ýaqytta áleýmettik salaǵa 2 trıllıon teńgeden astam qarjy jumsalatynyn bilesizder. Az qamtylǵan kóp balaly otbasylardy baspanamen qamtamasyz etý úshin «Nurly jer» baǵdarlamasy aıasynda 40 myńnan astam jaldamaly páter salynady. О́ńirlerge jasaǵan saparymda men oblystardaǵy baspana qurylysynyń júrgizilý barysyn jiti qadaǵalaıtyn bolamyn. Eńbekaqyny ósirý, densaýlyq saqtaý salasyn ilgeriletý, demografııany damytý, óńirlerdegi ınfraqurylymdardy jaqsartý sııaqty jumystardyń bári josparly túrde iske asyryla beredi. Bul – buljymaıtyn jospar», dedi Q.Toqaev.
