Naqtylyq anyq baıqaldy
Juma, 27 qańtar 2012 8:42
Jańaózen oqıǵasyna baılanysty Elbasynyń tapsyrmasyna oraı memlekettik komıssııa jumys istep jatqanyn biletinbiz. Alaıda, osy asa jaýapty tergeý isiniń júrý barysynan beıhabar edik. Bas Prokýrordyń málimdemesinen keıin buǵan deıin belgisiz, kúmándi bolyp kelgen kóp jáıtterdiń ara-jigi ashylǵanyna kóz jetkizdik. Eń bastysy málimdemedegi jarııalylyq, tergeý barysynyń respýblıkada qabyldanǵan zańdylyqtarǵa sáıkes júrip jatqanyn ańǵardyq.
Juma, 27 qańtar 2012 8:42
Jańaózen oqıǵasyna baılanysty Elbasynyń tapsyrmasyna oraı memlekettik komıssııa jumys istep jatqanyn biletinbiz. Alaıda, osy asa jaýapty tergeý isiniń júrý barysynan beıhabar edik. Bas Prokýrordyń málimdemesinen keıin buǵan deıin belgisiz, kúmándi bolyp kelgen kóp jáıtterdiń ara-jigi ashylǵanyna kóz jetkizdik. Eń bastysy málimdemedegi jarııalylyq, tergeý barysynyń respýblıkada qabyldanǵan zańdylyqtarǵa sáıkes júrip jatqanyn ańǵardyq.
Asa úlken aýqymdaǵy tártipsizdikter kezinde kimniń kináli, kimniń kinásiz ekenin aıqyndaý ońaı is emes. Bul rette bizdi Jańaózendegi negizgi memlekettik komıssııaǵa balama retinde qoǵamdyq komıssııalardyń da qurylǵany qýantty. Is barysynda oń usynystar eskerilip, kinásiniń deńgeıine qaraı on bir adamǵa qatysty qamaý sharasy neǵurlym jeńil sharalarmen aýystyrylǵany qazaqstandyq qoǵamnyń izgiligi men ádilettiligin aıqyndaı túsedi.
El ishinde polısııa qyzmetkerleri ereýilshilerge zańsyz qarý qoldanǵany jóninde árqıly pikirler oryn alyp kelgeni de ras. Bul máseleniń de aq-qarasyn anyqtaý qatań syn bezbenine salynǵany málimdemede derektermen aıtylǵan.
Qandaı da bir teris oqıǵa bolmasyn, onyń qaı-qaısysynyń da sebebi men saldary bolmaı qalmaıdy. Olardyń jaı-japsaryna tereń zertteýler jasalǵan kezde ǵana tergeý isi neǵurlym ádil arnaǵa bet buryp, táýir nátıje kórsete alady. Jańaózendegi tártipsizdikter tizbegin betinen qalqymaı, oqıǵanyń arǵy astaryna kóńil aýdarylyp otyrǵany bárimizdiń kóńilimizden shyǵyp otyr.
O basta Elbasymyz Jańaózendegi jappaı tártipsizdikterdi anyqtaýǵa qatysty qurylǵan memlekettik komıssııa múshelerine bergen tapsyrmasy da osyndaı ekenin baspasóz materıaldary arqyly bilgen edik. Tergeý isi Memleket basshysy bergen osy tapsyrmaǵa sáıkes júrip jatqanyn Bas Prokýrordyń málimdemesimen tanysý arqyly kóz jetkizdik. Qysqasy, zań aldynda jurttyń bári birdeı, bul rette eshkimge artyqshylyq ta berilmeıtinin, jeńildik te kórsetilmeıtinin taǵy bir túısinip otyrmyz. Elbasynyń basty talaby da osy edi ǵoı. Munyń ózi túbegeıli tergeý isi budan keıin de aqıqattyń aq jolynan aınymaıtynyna úlken senim týǵyzady.
Roza ISATAEVA, J.Moldaǵalıev atyndaǵy Batys Qazaqstan oblystyq ǵylymı-ámbebap kitaphanasynyń dırektory.
Oral.
