Halyq úshin, el ıgiligi úshin jasalǵan
Senbi, 28 qańtar 2012 7:39
Elbasynyń qaı Joldaýyn alyp qarasańyz da, halyqty áleýmettik qoldaý men halyq ıgiligi úshin óndiristi damytý onyń negizgi ózegi bolyp keledi. Bul jolǵy Joldaýda da birden kózge túsip, kóńilge qýanysh uıalatatyn máseleler az emes. Desek te Ult kóshbasshysynyń endi «Bogatyr», Qarashyǵanaq, Qashaǵan ken oryndary men ENRS, «Qazaqmys» kompanııalarynyń basym aktıvteri memleket ıeliginde bolady. Kezinde men mynadaı jaǵdaılarǵa baılanysty satyp jatyrmyz, qazir jekeshelendirý kerek, ýaqyty kelgende qaıtaramyz dep aıtyp edim degen turǵydaǵy sózderi kóptiń kókeıinde júrgen biraz túıinniń sheshimin tapty degen jón.
Senbi, 28 qańtar 2012 7:39
Elbasynyń qaı Joldaýyn alyp qarasańyz da, halyqty áleýmettik qoldaý men halyq ıgiligi úshin óndiristi damytý onyń negizgi ózegi bolyp keledi. Bul jolǵy Joldaýda da birden kózge túsip, kóńilge qýanysh uıalatatyn máseleler az emes. Desek te Ult kóshbasshysynyń endi «Bogatyr», Qarashyǵanaq, Qashaǵan ken oryndary men ENRS, «Qazaqmys» kompanııalarynyń basym aktıvteri memleket ıeliginde bolady. Kezinde men mynadaı jaǵdaılarǵa baılanysty satyp jatyrmyz, qazir jekeshelendirý kerek, ýaqyty kelgende qaıtaramyz dep aıtyp edim degen turǵydaǵy sózderi kóptiń kókeıinde júrgen biraz túıinniń sheshimin tapty degen jón. Ásirese, Qarashyǵanaq, Qashaǵan ken oryndaryna memlekettiń úlesin arttyrý saıası-strategııalyq jaǵynan da, áleýmettik-ekonomıkalyq jaǵynan da halyqqa, elge, memleketimizge tıimdi bolmaq.
Ekinshiden, ótken jyly «Qazaqstan Respýblıkasyndaǵy memlekettik jastar saıasaty týraly» Zańǵa ózgerister men tolyqtyrýlar engizildi. Sonyń jalǵasy retinde jastardy, onyń ishinde otbasyly jastar men jas kásipkerlerdi qoldaý máselesi kún tártibine shyǵyp otyr. Bul – óte qýantarlyq másele. Elbasymyz osy jıyrma jyl ishinde jastardy qoldaý týraly árdaıym aıtyp keledi. Jastarǵa sapaly bilim berý, olardy jumyspen qamtamasyz etý, alańsyz ómir súrýge qajetti jaǵdaı jasaý osyǵan deıin de aıtylyp, jasalyp keldi.
Al bul jolǵy Joldaýda jastar bıznesin qoldaý naqty kórinis tapty. Nursultan Ábishuly Úkimetke jumyspen qamtamasyz etýdiń jańa baǵdarlamasyn jasaýdy tapsyrdy. Onda negizgi baǵyttyń biri aýyldy jerde kásipkerlikti damytýdy kózdeıdi. Bul baǵdarlamada eń aldymen aýyl jastaryn jumyspen qamtý basty nazarda bolýy tıis. Ol úshin aýyldarda jastardyń kásipkerlikpen aınalysýyna jol ashylýy kerek. Máselen, «Qazaqstan Respýblıkasyndaǵy memlekettik jastar saıasaty týraly» Zańǵa sáıkes, aýyldy jerlerde jastar men jastar uıymdary qurǵan fermerlik qojalyqtarǵa nesıelik, salyqtyq jeńildikter berilip, memleket tarapynan qoldaýǵa ıe bolǵan jaǵdaıda biz, birinshiden, jastardy jumyspen qamtamasyz etemiz, ekinshiden, jastar bıznesiniń damýyna jol ashamyz, úshinshiden, jastardyń aýylda turaqtaýyna jaǵdaı jasaımyz, tórtinshiden, aımaqtyń damýyna múmkindik beremiz.
Elbasynyń Joldaýynda osy máseleniń bári jan-jaqty qamtylǵan. Endigi másele Úkimettiń Elbasynyń tapsyrmasyn aýyldyń, aımaqtyń naqty múmkindikterin nazarǵa ala otyryp iske asyrýy bolmaq. Elbasynyń jarty mıllıonnan astam jas otbasyn jeke baspanamen qamtamasyz etý jónindegi tapsyrmasy da eldiń, halyqtyń ıgiligine jumys isteıtin ıgi istiń biri. Ol osy ýaqytqa deıin de atqarylyp keledi, endi de jalǵasa beredi. Muny bolashaǵyn oılaǵan, «Jastar – bizdiń bolashaǵymyz» degen qanatty sózdi is júzine asyratyn eldiń ıgi qadamy dep baǵalaǵan jón.
Sonymen birge, qazirdiń ózinde eldiń qyzý talqylaýyn týǵyzyp, kópti qýanyshqa bólegen másele – elimizdi gazben, elektr energııasymen qamtamasyz etý. Bul jaǵdaı halyqtyń kóńil kúıin jaqsartýǵa ǵana emes, aımaqtardyń ekonomıkasynyń damýyna da úlken qozǵaýshy kúsh bolatynyn Elbasy basa aıtty. Muny halyq tolyqtaı qoldap otyr.
Al eldiń ishki rynogyna shyǵatyn janar maıdyń kólemin arttyrý, benzın sapasyn jaqsartý da keleli másele, óte qajet jaǵdaı. Benzın sapasyn jaqsartý men oǵan qoljetimdilikti qamtamasyz etý kóptegen ekologııalyq qana emes, áleýmettik máselelerdi sheshýge negiz bolady. Janar-jaǵar maıdyń qoljetimdiligi onyń baǵasyn turaqtandyrýǵa tikeleı áser etedi. Al janar-jaǵar maıdyń baǵasynyń ósýi nemese turaqtanýy halyq tutynatyn negizgi taýarlar men ónimderdiń baǵasynyń ózgerýine tikeleı áser etedi. Sonymen birge, aýyl sharýashylyǵyn damytý úshin de janar-jaǵar maı baǵasy men onyń qoljetimdiligi negizgi másele bolyp qala beredi. Sondyqtan Joldaýda kórsetilgen máseleler eldiń bolashaǵy úshin, onyń damýy úshin jasalǵan naqty qamqorlyq, naqty qadam, qoldaý bolyp otyr.
Munyń bári Joldaýda kórsetilgen, aıtylǵan jaǵdaılardyń az ǵana bóligi týraly oılar. Al Joldaýda jalpy memleketimizdiń san salaly saıasaty men ustanymdary aıqyn kórinis taýyp, aldaǵy boljanyp otyrǵan daǵdarystan shyǵýdyń da amal-sharalary qamtylǵan.
Sondaı-aq halyqaralyq dárejedegi isteletin ister men atqarylatyn sharalar da ushan- teńiz. Ondaǵy qamtylǵan jaǵdaılardy mamandar ár sala boıynsha saralap, óz pikirlerin, oılaryn aıta jatar. Al bizdiń aıtpaǵymyz – Elbasynyń óz Joldaýynda atap kórsetkendeı, Úkimettiń, Parlamenttiń, jalpy memleketimizdiń aldynda úlken asýlar, san salaly josparlar tur. Biz Elbasynyń saıasatyn qoldaı otyryp, Joldaýda kórsetilgen máselelerdi ret-retimen sheshemiz, memleketimizdiń odan ári damýyna qol jetkizemiz dep oılaımyn jáne oǵan nyq senimdimin. Elbasynyń Joldaýy halyq tarapynan da qyzý qoldaýǵa ıe bolatynyna kúmánimiz joq. О́ıtkeni, Joldaý tolyǵymen halyq úshin, el ıgiligi úshin jasalyp otyr.
Saǵynbek TURSYNOV, Qazaqstan Prezıdenti janyndaǵy Adam quqyqtary jónindegi komıssııanyń tóraǵasy.
