Bul rette atap ótilgendeı, qazaqstandyq munaı kompanııalary tehnıkalyq qyzmet kórsetýlerdi júzege asyrý úshin munaı ken oryndaryndaǵy óndiristi ýaqytsha toqtata turý týraly jarııalady.
«Munaı óndirisi Qashaǵan ken ornynda 14 sáýirden bastap 45 kúnge ýaqytsha toqtatylady, Teńizde 1 tamyzdan bastap 42 kúnge jáne Qarashyǵanaqta 15 qyrkúıekten bastap 28 kúnge ýaqytsha toqtatylady» delingen jaýapta.
S&P Global Platts aqparattyq agenttigi redaktorlyq bólimniń dırektory Robert Bıman ótken aptada Nur-Sultanda ótken halyqaralyq jıynda AQSh pen OPEK+ arasyndaǵy túsinispeýshiliktiń túıini tarqaǵanda ǵana munaıdyń bir barreliniń baǵasyn 65-70 dollar shamasynda ustap turý múmkin bolatynyn aıtty. Onyń paıymdaýynsha OPEK+ 2019 jyldyń 6 aıynda álemdegi munaı óndirisin táýligine 1,2 mln barrelge kemitýge bastamashy boldy. Biraq AQSh bul usynysty qoldaǵysy kelmeıdi. AQSh munaı óndirý kólemin kóbeıtetin bolsa, álemdik munaıdyń qazirgi baǵasy ózgerýi ábden múmkin.
«2018 jyly AQSh Iranǵa sanksııa salatynyn málimdep, Donald Tramp Saýd Arabııasynyń koroline munaıdyń qymbat baǵasyna qatysty shaǵymdandy. Bolashaqta AQSh munaı óndirisin ulǵaıtsa, al OPEK+ uıymyna múshe memleketter mindettemelerin tıisinshe oryndamasa, álemdik munaı baǵasy ózgeredi» dedi ol búgin jýrnalıstermen kezdesken kezde.
Sarapshylar Qytaı men Úndistan 2019 jyldan bastap munaıdy satyp alýdy kóbeıtti.
«Bizdińshe olar arzan baǵamen úlken qor qalyptastyryp almaqshy. OPEK+ múshe-memleketterdi munaı óndirisiniń kólemin azaıtýǵa kelistirse de, álemdik munaı baǵasyna yqpal ete almady. Bul OPEK+ uıymynyń bastamasy n Byltyr dúnıejúzi táýligine 99 mln barrel munaı tutyndy», –dedi ol sózin túıindep.
S&P Global Platts aqparattyq agenttiginiń Máskeýdegi bólimshesiniń atqarýshy redaktory Nadejda Rodova 2016 jyldyń jeltoqsanynda OPEK-ke múshe jáne oǵan kirmeıtin ózge de munaı eksporttaýshy elder 2017 jyldyń 1 qańtarynan jyldyń ortasyna deıin munaı óndirisi kólemin táýligine 1,8 mln barrelge azaıtý týraly ortaq kelisimge kelgenin aıtty. Keıin OPEK jáne odan basqa 10 memleket 9 aı munaı óndirýdi shekteý týraly kelisimdi uzartyp, onyń merzimin 2019 jyldyń sáýirine deıin sozypty.
«Qazaqstan OPEK aldyndaǵy mindettemesin oryndaǵan joq. Reseı de ýádesinde tura almady. Sebebi munaı óndirisiniń kólemin azaıtý eki elge de tıimsiz. Negizi kelisim boıynsha, táýligine 380 myń barrel munaı óndirilýge tıis bolatyn» dedi Nadejda Rodova.
ALMATY
