Almaty aýdany:
Jeleznodorojnyı, Dostyq, Promyshlennyı, Ońtústik-Shyǵys turǵyn alaptarynan 126 myń tekshe metr qar shyǵaryldy. Aǵymdaǵy qysta aýdannan 1,1 mln tekshe metr qar shyǵaryldy.
Sý basýy múmkin jeti ýchaske anyqtaldy. Olardyń tórteýi boıynsha sýdy sorý jumystary aıaqtaldy, úsh ýchaske baqylaýda.
Sonymen qatar, Astana-Qaraǵandy tasjolynan temirjol ekstakadasy aýdanynda erigen qar sýyn burý jumystary júrgizildi. №41 razezd aýdanynda temir jol tósemi boıymen jáne Nurly kentine (Aqmola oblysy) baratyn jol aýdanynda arnalar tazartylady.
Baıqońyr aýdany:
Sý basýdyń áleýetti aımaqtaryna monıtorıng júrgizilip, osyndaı jeti núkte anyqtaldy. Aýdanda júıeli sý basý qaýpi bar 39 úı ornalasqan, 24 úı aýmaǵynan erigen qar sýy soryldy. Aǵymdaǵy jaǵdaıdy baqylaý turaqty negizde júzege asyrylady.
Erigen jáne jańbyrly sýlardy ótkizý kezinde 31 182 tekshe metr qar sýy soryldy, al jeke sektordaǵy úıler mańy aýmaqtaryn sý basýǵa jol bermeý úshin kólemi 866 tekshe metr ınertti materıal sebildi. Osy jumystardy júrgizýge barlyǵy 3 myń tekshe metr ınertti materıal jáne 600 qap qum daıyndaldy.
Esil aýdany:
Uzyndyǵy 620 metr «M-1» jáne «M-2» kópirleri arasynda, «Prıgorodnyı» turǵyn alabynda 1,3 myń metr nóserli káriz naýalaryn tazalaý jumystary aıaqtaldy.
«Astana Tazalyq» JShS merdigerlik uıymy «Maıbalyq» kóliniń arnasyn tazartý boıynsha, «Legend Grýpp LTD» JShS «Úrker» turǵyn alabynda ornalasqan aryqty tazartý boıynsha jumystardy aıaqtady.
Sonymen qatar, «Astana ETK» AQ Úrker turǵyn alabyndaǵy 19-shy kóshe aýdanynda kabeldik arnany biteý boıynsha jumystardy júrgizdi.
Saryarqa aýdany:
Sý tasqyny kezeńinde erekshe sý basqan bes aımaq anyqtaldy. Agroqalashyq, Kóktal-1, Kóktal-2 turǵyn alaptary, Maıkótov, Myńaral, Júnisov (Panfılov), Pavlov kósheleri. Aýdannyń jeke sektorynan qar shyǵarý jumystary aıaqtaldy. Qazirgi ýaqytta atalǵan ýchaskelerden sý sorý jumystary júrgizilýde.
16 qazannan 1 sáýirge deıin 536 289 tekshe metr qar shyǵaryldy, 13 900 tekshe metr aryqtyq jeliler tazartyldy. 1 610 jańbyr qabyldaıtyn torlar tazartylyp, 18 847 tekshe metr sý soryldy, Gagarın, Dýlatov, Qojahmetov, Pavlov kósheleri boıynsha motopompalardyń tórt birligi ornatyldy.
