Qazaqstan Respýblıkasy Prezıdenti Ákimshiliginiń kelisimi boıynsha oblys ákiminiń aǵymdaǵy jylǵy 3 sáýirdegi ókimimen Asqar Muratuly Aqmola oblysy ákiminiń orynbasary bolyp taǵaıyndaldy.
Asqar Muratuly, 1976 jyly týǵan, Shyǵys Qazaqstan tehnıkalyq ýnıversıtetin ınjener-ekonomıst mamandyǵy boıynsha jáne Goncharov at. Qazaq avtomobıl joldary ýnıversıtetin ınjener mamandyǵy boıynsha bitirgen.
Eńbek jolyn 1998 jyly Shyǵys Qazaqstan oblysy saýda jáne qyzmet kórsetý departamentiniń ınspektory bolyp bastaǵan. Ár jyldary «Qazaqavtojol» RMK Qostanaı, Qaraǵandy, Pavlodar oblystyq fılıaldarynyń dırektory bolyp istedi.
2007-2012 jyldary Astana qalasy jolaýshylar kóligi jáne avtomobıl joldary basqarmasy basshysynyń orynbasary, QR Kólik jáne kommýnıkasııalar mınıstrliginiń sarapshysy, Jambyl oblysy boıynsha qarjy baqylaý ınspeksııasy bastyǵynyń orynbasary bolyp istedi.
2012-2015 jyldary Aqmola oblysy jolaýshylar kóligi jáne avtomobıl joldary basqarmasynyń basshysy laýazymyn atqardy.
2015-2017 jyldary Zerendi aýdanynyń ákimi boldy.
Osy taǵaıyndaýǵa deıin Aqmola oblysy jolaýshylar kóligi jáne avtomobıl joldary basqarmasynyń basshysy bolyp istedi.
