Qazaqstandyq sportshylar álem elderi atletteriniń arasynda sporttyń 24 túri boıynsha Búkilálemdik jazǵy arnaıy Olımpıadalyq oıyndar ótken Abý-Dabıden oraldy. Týrnırde 190 eldiń sportsmenderi baq synasty.
Jarysqa Nur-Sultannan №1 arnaıy mektep-ınternatynyń tárbıelenýshileri Erqanat Bahytjanov pen Krıstına Fılıppova qatysyp, úlken tennıs boıynsha «kúmis» jáne «qola» medaldy enshiledi.
Týrnırge daıyndyq bir jyl shamasynda júrdi.
«Balalar elimizdiń kók baıraǵyn jelbiretip, júldemen oraldy. Bul biz úshin úlken qýanysh. Sizderdi aldaǵy ýaqytta da bıik shyńdardan kóretinimizge senemin. Osy jarysqa balalardy qysqa merzimde daıyndap, barynsha qoldaý kórsetken mektep ujymyna zor alǵys bildiremin», – dedi quttyqtaý sózinde Nur-Sultan qalasy bilim basqarmasynyń jetekshisi Ánýar Janǵozın.
