Atalǵan reıtıngilik týrnırge Qazaqstan komandasy da qatysady. Atap aıtar bolsaq, Taılandtaǵy týrnırde Amılııa Iskakova, Natalıa Saıfýtdınova, Svetlana Pashenko, Rınata Sýltanova jáne Anjela Solovevalar baq synaıdy.
Qazaqstan áıelder quramasynyń bas bapkeri Vadım Kravchenko qurlyqtaǵy týrnırge tyńǵylyqty daıyndyq júrgizgenin aıtady.
«Bul maýsymnyń shymyldyǵyn ashatyn týrnırlerdiń biri Taılandta ótkeli otyr. Atalǵan jarysqa Eýropa jerinde daıyndaldyq. Álemdik velosporttyń myqtylary bas qosqan jıynda sheberligimizdi shyńdadyq. Azııa qurlyǵynda bizge aıtarlyqtaı qarsylas joq. Sol sebepti, Taıland jerinde júldeli oryn men baǵaly upaıdan úmittimiz. Bıyldan bastap Olımpıadaǵa irikteý týrnırleri bastalady. Iаǵnı, barlyq jarysta upaı taratylady. Chang Maı qalasyndaǵy týrnır 2.1 sanatyna jatady, demek, jaqsy upaıǵa qol jetkizýge múmkindik bar. Bıylǵy maýsymnyń sońǵy jarysy 21 qazan kúni Qytaıda ótedi. Sol aralyqtaǵy dodalarda barymyzdy salyp, joǵary upaı jınaýǵa tyrysamyz», - deıdi Kravchenko.
