Jıyn barysynda Qoǵamdyq Keńes Prezıdıýmynyń hatshysy Janar Bektaevanyń usynysymen tóralqa músheligine Darııagúl Qojamjarova, Igor Verbıskıı, Ǵanı Tashqaraev, Nurǵazy Buharbaev jáne Bekaıdar Tólegenov bolyp bekitildi. Sondaı-aq jınalǵandar jańa tóraǵany saılady. Keńes músheleri bul qyzmetke Shymkent qalasy máslıhatynyń depýtaty Nurǵazy Buharbaevty laıyq dep sanap, biraýyzdan tóraǵa etip saılady.
– Kópshilik Nurǵazy Baqtybaıulyn joǵary uıymdastyrýshylyq jáne kóshbasshylyq qabiletterge ıe, aldyna qoıǵan maqsattarǵa qol jetkizýde jaýapkershilik pen tabandylyq tanytatyn, iske shyǵarmashylyq turǵydan qaraıtyn azamat retinde biledi, - dedi keńeste sóz alǵan «Nur Otan» partııasynyń Shymkent qalasy fılıaly tóraǵasynyń orynbasary Bekaıdar Musauly.
