«Qoǵamdyq jıyn – kópshiliktiń osyndaı jobalarǵa atsalysýynyń mańyzdy quraly. Bul jıynda kóterilgen máselelerge qatysty usynystar shıpajaıdyń Qorshaǵan ortaǵa áserin baǵalaý qujattamasyna engizilip, jobanyń ekologııalyq quramdas bóligin jaqsartýǵa kómektesedi", – dep túıindeıdi óz málimdemelerin "Kókjaılaý" taý shańǵysy shıpajaıy" JShS baspasóz qyzmeti.
Ile-Alataý ulttyq tabıǵı parkiniń aýmaǵyndaǵy 5 jer telimi memlekettik baıqaý arqyly satylymǵa shyǵaryldy. Onyń tórteýi "Kókjaılaý" kýrortynyń qurylysyna baǵyttalǵan. Bul bas-aıaǵy 134,4 gektar aýmaqty alyp jatyr. Endi 15 kún boıy qujattardyń durys-burystyǵy anyqtalady. Sodan keıin, jer ýchaskeleriniń uzaq nemese qysqa merizimge berý týraly sheshimi shyqpaq. Keıin, bir jyldyń ishinde jobalyq-smetalyq qujattamasy ázirlenedi. Sóıtip, bas-aıaǵy 3 jyldyń ishinde qurylys qarqyny aıaqtalyp bitýi tıis. Bastysy, flora men faýna álemine kesiri tımeıdi deıdi mamandar. "Zııany tımeıdi dep aıtýǵa bolady. Qazir týrızm salasyn qarqyndy damytýymyz kerek. Qoǵamdyq keńeste jobanyń bas jospary talqylaýdan ótken. Ekologııalyq saraptamanyń oń qorytyndysy bar. Sol úshin alańdaýǵa negiz joq dep aıta alamyn", - deıdi Ile-Alataý memlekettik ulttyq tabıǵı parki bas dırektorynyń orynbasary Darhan Isabekov.
Qoǵam ókilderiniń nazaryna bolashaq "Kókjaılaý" shıpajaıynyń Jobalyq-smetalyq qujattamalaryn ázirleý aıasynda daıyndalǵan Qorshaǵan ortaǵa áserin baǵalaý tujyrymdary usynyldy. Ekologııalyq zertteýlerdi "Qazekologııa" kompanııasy júrgizdi. Ekologtardyń bergen baǵasy boıynsha, qurylys jumystary kezinde qorshaǵan ortaǵa azdaǵan áseri tıedi eken. Biraq ol zańnamada kórsetilgen normalardan aspaıtyn kórinedi.
«Al "Kókjaılaý" shıpajaıyn paıdalanýǵa bergen soń onyń qorshaǵan ortaǵa áseri (zııan keltirýi) ruqsat etilgen normalardan tómen bolatyndyǵy da aıtyldy. – Shtattyq rejım kezinde "Kókjaılaý" taý shańǵysy shıpajaıynyń ınfraqurylymdaryn salý jáne paıdalaný boıynsha josparlanyp otyrǵan qyzmet tabıǵı ortaǵa jáne shıpajaı syrtyndaǵy turǵyndardyń densaýlyǵyna aıtarlyqtaı teris áserin tıgizbeıdi. Shıpajaı nysandary ornalastyrylǵan aýmaqtarda qorshaǵan ortaǵa áser etýi – uzaq merzimdi, biraq ekologııalyq talaptarǵa qoıylatyn mólsherge saı, uıǵarylǵan shamada", - dep atap ótti "Qazekologııa" dırektory Amangeldi Sqaqov.
"Kókjaılaý" taý shańǵysy shıpajaıy" kompanııasynyń atqarýshy dırektory Lýkas Marshandtyń paıymdaýynsha, qorshaǵan ortaǵa tıgizer áseri bolady. Biraq ol – tek qurylys jumystary kezinde ǵana jáne az mólsherde.
«Al bizdiń basty mindetterimizdiń biri, bul – onyń qorshaǵan ortaǵa áserin meıilinshe azaıtý. Buǵan qol jetkizýge zamanaýı tehnologııalar men ozyq halyqaralyq tájirıbeler múmkindik beredi. Ári onyń bári mindetti túrde qazaqstandyq zańnama normalary negizinde rettelip otyrady. Bizdiń jobamyz qatań túrde osy zańnamaǵa saı júzege asyrylady», -dedi Lýkas Marshand bizben kezdesken kezde.
Odan ári, ıaǵnı
qurylys jumystary bitkennen keıin shıpajaı turaqty túrde damytylyp otyratyn jáne
ekologııany jaqsartýǵa baǵyttalatyn bolady..
Aıta keteıik, "Kókjaılaý" kýrortyna qarasty 134,4 gektar aýmaqtyń 17
gektary – avtomobıl joldaryna, 5,8 gektary – sý bógetine, 67 gektary – shańǵy
trassasyna jáne 0,1 gektary aspaly jolǵa qarastyrylǵan.
ALMATY
