«Sparta Astana» eko-klýby, «Taza qala úshin» eko-qozǵalysy, «Sparta Astana» qozǵalys klýby Nur-Sultan qalasy ákimdiginiń qoldaýymen «Meniń qalam-Taza qala» aksııasyn ótkizedi, dep habarlaıdy elorda ákimdiginiń resmı saıty. Ekologııalyq aksııany elorda ákimdigi jáne «Adal» volonterlik qozǵalysy qoldady. Uıymdastyrýshylardyń aıtýy boıynsha, plopıng – júgirip qoqys jınaý. Ol bir mezette eki isti jasaýǵa baǵyttalǵan. Birinshiden, bul – fızıkalyq belsendilik, ekinshiden, qorshaǵan ortany qorǵaý. Mundaı qozǵalys búkil álemde tanymaldylyqqa ıe jáne ári paıdaly #challenge.
Is-sharaǵa kez-kelgen azamat qatysa alady.
«Bul jerde qatty júgirý nemese márege birinshi jetý mindetti emes. Aksııaǵa balalar, qarttar, jastar bizdiń qalany, elimizdi taza, qoqyssyz kórgisi keletin barlyq adam qatysa aldy», – dep atap ótti uıymdastyrýshylar.
Aksııaǵa qatysýǵa nıet bildirgender 7 sáýirde tórt jerde jınalady.
11:00-de – Ortalyq saıabaqta (saǵat aldynda);
10:00-de – Botanıkalyq baqta (Túrkistan kóshesine qaraıtyn baqtyń bas kireberisinde);
10:00-de – Trıatlon-parkte (mıýzık-holl mańyndaǵy turaqta);
10:00-de – Keńesary hannyń eskertkishiniń aldynda Belgilengen jerlerde olardy belsendiler qarsy alady. Aksııa qatysýdyń basty sharty – qoqys jınaýǵa arnalǵan pakettiń bolýy.
Ploggıng aıasynda eń aýyr, eń kóp qoqys jınaǵan adamdy anyqtaý konkýrsy da uıymdastyrylady. Ár saıabaqta belsendiler jınalǵan qoqysty ólshep eń aýyryn, eń úlkenin anyqtaıtyn bolady. Odan bólek qoqysty bólip jınaý boıynsha sheberlik-sabaǵy ótedi. Suryptalǵan qoqys birden qaıta óndeýge jóneltiledi.
