Festıvaldiń ashylý kúninde Polshadan kelgen Krystyn Stanko trıosy (Krystyna Stanko) jáne Túrkııadan kelgen Onder Fodjan jetekshiligimen FunkBook bendi óner kórsetedi. Fransııanyń ánshisi Princess Jorge jáne Izraılden kelgen Gaı Mıntýs (Guy Mintus) trıosy festıvaldiń ekinshi kúninde óner kórsetedi. Al Germanııadan kelgen Three fall trıosy jáne Avstrııadan kelgen Kusimanten is-sharanyń úshinshi kúni óner kórsetedi.
Djaz merekesinde ekinshi márte Vengrııadan Pelı Barna (Pely Barna) jáne AQSh-tan Mısha Syganov (Misha Tsiganov) festıvaldiń sońǵy kúninde óner kórsetedi. Sondaı-aq, gala-konsertti belgili amerıkandyq saksofonshy Reı Blý (Ray Blue) óz ónerimen qýantpaq. Ol Almaty djaz bendimen birge jeke baǵdarlamasymen shyǵady. Konsertter Jambyl atyndaǵy Qazaq memlekettik fılarmonııa zalynda 4-7 sáýir kúnderi ótedi. Bıletterdiń satylymy www.ticketon.kz portalynda ashyldy. Konsertterden keıingi djeım seıshnder Harat’s jáne Hard Rock Café kafelerinde ótedi (kirý tegin). Festıval baǵdarlamasynda djaz mektebindegi mýzykanttardyń qatysýymen dástúrli sheberlik sabaqtary ótedi. Djaz mektebiniń oqýshylary Tagır Zarıpovtyń jetekshilik etýimen AQSh-ta jáne basqa da elderde birtalaı márte óner kórsetip, mýzyka salasyndaǵy synshylardyń joǵary baǵasyna ıe bolǵan. Djaz mektebi 2001 jyldan bastap qyzmet etip keledi.
Bıylǵy festıval Almaty qalasy Ákimdiginiń, festıvalge qatysýshy elderdiń Qazaqstandaǵy dıplomatııalyq mıssııalarynyń, «Fransýz alıansy» jáne ««Gıote ınstıtýtynyń» qoldaýymen ótkizilýde. Merekeniń seriktesteri retinde UNESCO, sondaı-aq, Polsha, Túrkııa, Izraıl, Fransııa, Germanııa, Avstrııa jáne Vengrııa Syrtqy ister mınıstrlikteri at salysyp otyr.
IýNESKO bas dırektory Odrı Azoulay jáne IýNESKO erkin erik elshisi Herbı Henkoka 2019 jyldyń baǵdarlamasynda Halyqaralyq djaz kúni dep jarııalady, atalmysh kún Avstralııada iske qosylyp, búkil álem boıynsha 190-nan asa elde atap ótiledi.
2011 jyly IýNESKO erkin erik elshisi Herbı Henkokanyń bastamasy boıynsha IýNESKO Bas konferensııasymen bekitildi jáne de Birikken Ulttar Uıymy Bas assambleıasymen tanylǵan. Halyqaralyq djaz kúni djazdyń dıalogty ornatý, kemsitýge jol bermeý jáne adam abyroıyn qoldaýdaǵy mańyzdy rólin erekshe atap óte otyryp, 30 sáýir kúni búkil álem boıynsha djaz ónerin toılaý úshin elder men qaýymdastyqtardyń basyn qosady.
Jobanyń bas demeýshisi – Túrik áýejelileri. Sondaı-aq, festıvaldi Efes kompanııasy, Qazaqstan qonaq úıi, Amerıka saýda palatasy, FIDELITY densaýlyq klýby, MOLGROUP, Kelet, Intellservice Devika, Harat’s, Mad Murphy’s Irish Pub, Karaoke Bar, Hard Rock Cafe qoldady. Festıvaldiń aqparattyq seriktesteri – ASPANDAU ǵylymı-bilim qory, Qazaqstan Baspasóz klýby, «Klassık» radıosy, «Delovoı Kazahstan» jáne «Kýrsıv» gazetteri, Eýrazııa mádenıet qory, Almaty Life portaly, «Meloman» kompanııasy jáne Starbucks.
