Jarystyń ashylý saltanatynda Túrkistan oblysy ákiminiń orynbasary Málik Otarbaev, dańqty bapker Tursynǵalı Edilov jáne ózge de azamattar quttyqtaý sóz sóıledi.
Bekzattyń ata-anasy Seıilhan aǵa men Syrlykúl apa dara perzent týraly estelik aıtyp, jarysty uıymdastyrýshylarǵa alǵysyn bildirdi. Sonymen birge Olımpıada chempıondary – Ermahan Ibraımov, Baqtııar Artaev jáne álem chempıony Birjan Jaqypov bastaǵan azamattar da jas sportshylarǵa sáttilik tiledi. Túrkistan oblystyq deneshynyqtyrý jáne sport basqarmasynyń basshysy Polat Qyryqbaev Bekzat batyr máńgi el esinde saqtalatynyn aıtyp, oǵan degen qurmet árdaıym joǵary bolatynyn jetkizdi.
Sonymen, Túrkistan tórindegi dodaǵa Reseı, Tájikstan, Qyrǵyzstan, О́zbekstan, Ázirbaıjan memleketteri men Qazaqstannyń 14 oblysy jáne 3 qalasynan komandalar keldi. Olarǵa 11 salmaq dárejesinde júldeler tapsyrylady.
Bul jarysta bokstan 2001-2002 jyldary týylǵan jastar saıysqa túsip jatyr. Jarys jeńimpazy atanǵan sportshyǵa «Sport sheberi» ataǵy beriledi.
Qazirgi tańda Túrkistan oblysynyń boksshylary Qazaqstanda úzdikter qatarynda tur. El birinshiliginde osy óńirdiń jigitteri jalpykomandalyq esepte top jardy. Basty meje – Tokıo Olımpıadasynan júlde alý.
