«Dımashtyń Nur-Sultanda ótetin konsertinen basqa taǵy bir jobamyz - ánshi týraly derekti fılm. Ol jóninde biz bir ýaqytta kelistik. О́tken jyly Dımashtyń konsertin uıymdastyrý jóninde aqyldasyp jatqan ýaqytta, derekti fılm túsirsek degen usynys aıtqan edik. Onyń shyǵarmashylyǵyna qyzyǵýshylyq óte úlken», - dedi «Qazaqstan» RTRK» AQ basshysy Erlan Qarın.
«Bul fılmde buryn jarııalanbaǵan túrli beınematerıaldar kórsetiletin bolady. Oǵan daıyndyq barysynda bizdiń komanda ánshiniń Máskeýdegi konsertine bardy. Áriptesterimen arnaıy suhbattar túsirdi. Máskeýdegi konsertinen keıin Qytaıǵa saparǵa attanyp, Hýnan arnasyndaǵy úlken shoýǵa qatysty. Biz shoýdyń túsirilimine de qatysyp, ol jaqta da Qytaıdaǵy dostary men áriptesteri tarapynan suhbattardy túsirdik. Árıne, negizgi túsirilim Nur-Sultanda 29 maýsymda ótetin konsertine baılanysty boldy. Oqıǵa jelisi osynyń negizinde qurylady. Bul - Dımashtyń eń úlken konserti. Álbette, Dımashtyń álemniń ár túkpirinde konserti ótip jatyr. Biraq, bul eń aýqymdy konserti bolady dep oılap otyrmyz», - deıdi Erlan Qarın.
«Qazaqstan» telearnasynyń basqarma tóraǵasynyń aıtýynsha, fılm kúzde kórsetiledi.
