Aımaqtar • 04 Sáýir, 2019

Elordada sybaılas jemqorlyqqa qarsy is-qımyl máseleleri talqylandy

453 ret kórsetildi

Nur-Sultanda ««Astana – adaldyq alańy» jáne azamattyq sektor. Senim.Áriptestik.Damý» taqyrybynda dóńgelek ústel ótti dep habarlaıdy elorda ákimdiginiń resmı saıty.

Dóńgelek ústel jumysyna qalanyń jastar jáne etnomádenı birlestikteriniń basshylary men qatysýshylary, QHA ókilderi, qoǵamdyq keńes músheleri jáne t.b qatysty. Dóńgelek ústeldiń maqsaty – «Astana – adaldyq alańy» jobasy jáne memlekettik qyzmetterdiń qoljetimdiligi týraly aqparattandyrý, elordada sybaılas jemqorlyqqa qarsy mádenıetti qalyptastyrý úderisine azamattardy tartý. 

Dóńgelek ústel aıasynda «Astana – adaldyq alańy» jobalyq keńsesiniń basshysy Mıras Shekenov pen Memlekettik qyzmet isteri jáne sybaılas jemqorlyqqa qarsy is-qımyl agenttiginiń departament basshysy Jazıra Jylqyshıeva elordada mektepterde, balabaqshalarda, medısınalyq mekemelerde jáne qalalyq memlekettik organdarda halyqpen jumys isteýdiń jańa formatynyń engizilgenin aıtty. Sonyń arqasynda turmystyq sybaılas jemqorlyqtyń deńgeıi edáýir qysqartyldy. 

«Biz únemi monıtorıng júrgizip, qolymyzdy pýlste ustap turamyz. Saryarqa, Almaty aýdandyq ákimdikteriniń qalaı ózgergendigin qarańyzshy, endi kezekte – Baıqońyr men Esil aýdandarynyń ákimdikteri tur. Onda barlyǵy túbegeıli ózgerdi», – dedi Mıras Shekenov.

Is-sharany «Qyrǵyzstan-Astana» QB, «Nur-Sultan qalasynyń Azamattyq Alıansy» ZTB, elordalyq QHA qoldaýymen «Qarsy» QB uıymdastyrdy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar