Premera Jastar jyly aıasynda QR Mádenıet jáne sport mınıstrliginiń qoldaýymen qoıylady. Operanyń sıýjetin kompozıtor tanymal fransýz jazýshysy Anrı Mıýrjeniń «Bogema ómirinen kórinister» shyǵarmasynan alǵan. Al onyń mýzykasyn Dj.Pýchchını segiz aıdyń ishinde jazypty.
Opera alǵashqy premerasy 1896 jyldyń 1 aqpanynda Týrınde 28 jasar Artýro Toskanınıdiń dırıjerlik etýimen ótti. Keıin «Bogema» barsha álem sahnalaryn jaýlap alady.
Teatrdyń baspasóz qyzmetiniń habarlaýynsha kórermen nazaryna operanyń jańa sahnalyq redaksııasy usynylady. Sońǵy ozyq ári zamanaýı teatrlyq tehnologııalardyń arqasynda operany sahnanyń tehnıkalyq múmkindikterine beıimdep, qoıylym tobynyń eń batyl sheshimderi júzege asyrylmaq.
«Men «Bogema» spektaklin alǵash ret qoımaqpaqpyn. Bul – Dj.Pýchchınıdiń týyndylaryn sahnalaýdaǵy tyrnaqaldy jumysym. Ony ózimniń jeke túsinigim arqyly iske asyrýǵa tyrysatyn bolamyn. Mýzykany tyńdap, lıbrettony oqyǵan kezde oıyma ár túrli ıdeıalar keledi. Men árdaıym keıipkerlerdiń minez-qulqyn sahnada jaqsyraq kórsetý úshin olardyń psıhologııasyn túsinýge tyrysamyn. Kórermenderdi qyzyqtyra alatyn poetıkalyq beıneler men oqıǵalar jasaýǵa tyrysyp baǵamyn. Men úshin kórermen qaýymǵa jańa nárseni baıandap, olardyń teatr qabyrǵasynan shabytpen, ómirge degen súıispenshilikpen shyǵýyna múmkindik berý mańyzdy», – dep bólisti qoıýshy rejısser Andrea Bernard.
Premera «Astana Opera» jetekshi solısteriniń, elordalyq teatrdyń Sımfonııalyq orkestri jáne horynyń qatysýymen ótedi.
Bastalýy saǵat 18:00-de.
