«Atameken» Qazaqstan Respýblıkasynyń Ulttyq kásipkerler palatasy, Áıelderdiń kásipkerlikti qoldaý qorymen birlese otyryp, talantty jáne jańa dızaınerlerdiń jumystaryn qoldaýǵa múmkinshilik týdyrýda. Alty jeńimpazdyń árqaısysy 1 mln. teńge kóleminde júlde alatyn bolady.
Baıqaýdyń maqsaty-otandyq sándi ındýstrııany damytý, ulttyq mádenı dástúrlerdi saqtaý, jańa ataýlar men brendterdi ashý jáne qoldaý, óndiristik kásiporyndardy dızaınerlermen biriktirý.
Konkýrsty ótkizý mamandardyń jańa býynyn anyqtaýǵa jáne básekege qabiletti jańa brendterdi qurýǵa múmkindik beredi. Kásipqoılarǵa ótkizilgen bul baıqaý óz brendin ilgeriletýge jáne qolda bar bıznesti keń kólemde nasıhattaýǵa jol ashady.
Baıqaý úsh baǵyt boıynsha ótedi:
1) birinshi kezeń - eki baǵytta júrgiziledi, olar ótinimderdi qabyldaý jáne irikteý: 4 naýryzdan bastap 15 mamyrǵa deıin jáne 10 maýsymnan bastap 15 qyrkúıekke deıingi aralyqta; ár kezeńniń qorytyndysy boıynsha komıssııa konkýrs laýreattary ataǵyna 6 úmitkerdi irikteıdi;
2) ekinshi kezeń - 12 úmitkerdi qoǵamdyq onlaın daýys berýge usyný jáne onyń nátıjeleri boıynsha 6 konkýrs laýreatyn bekitý;
3) úshinshi kezeń – qazylar alqasynyń bas júldesin alý úshin alty jeńimpazdyń ishinen bir jeńimpazdy anyqtaıdy.
Baıqaý aǵymdaǵy jyldyń jeltoqsan aıynda laýreattardy saltanatty túrde marapattaý rásimimen aıaqtalady.
