Taraptar 2018 jylǵy naýryzda qol qoıylǵan ózara túsinistik pen yntymaqtastyq týraly memorandým aıasyndaǵy ózara is-qımyl barysyn talqylady.
Kezdesýde taraptar halyqaralyq qatynastar salasynda týrıstik salany damytý, týrıstik ónimdi túpki tutynýshynyń múddelerin qorǵaý deńgeıin arttyrý maqsatynda odan ári ózara is-qımyl jasaý nıetin rastaı otyryp, týrıstik kásipkerlikti damytý salasynda ózara qyzyǵýshylyq týdyratyn óz isterimen, aqparatpen almasty.
Sonymen qatar, 2019 jylǵy 1 jeltoqsannan bastap kúshine enetin Eýrazııalyq ekonomıkalyq odaqtyń (EAEO) týrızm salasynda biryńǵaı naryq ashý týraly sheshimi talqylandy.
Taraptar bir-biriniń aýmaǵynda ornalasqan týrısterdiń quqyqtary men múddelerin barynsha tolyqqandy qamtamasyz etý maqsatyn kózdeıtin qosymsha kelisimder ázirleýge kelisti.
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi 2016 jyldan bastap jumys isteıdi jáne Qazaqstan Respýblıkasynyń azamattary, týragentter, týroperatorlar, týroperatorlar-jaldaýshylar, júıe ákimshisi jáne týrıstik qyzmet salasyndaǵy ýákiletti organ arasyndaǵy quqyqtyq qatynastardyń jıyntyǵyn bildiredi.
2017 jyldan bastap qazaqstandyq týrısterge shetelge TÝRKODpen demalysqa shyǵý usynylady. Arnaıy qurylǵan «Týrıstik Qamqor» KQ shetelde aıaqasty kútpegen jaǵdaılarǵa tap bolǵan týrısterge otanyna oralýǵa kómek kórsetý maqsatynda qurylǵan. Birinshi kezekte bul teris pıǵyldy týrfırmalardyń qyzmetine baılanysty zardap shekkenderge qatysty. Osylaısha, qolynda TÝRKOD bolǵan jaǵdaıda Qazaqstannan kelgen týrıster shuǵyl jaǵdaıda kepildi qoldaýǵa ıe bolady.
TÝRKOD degenimiz ne? TÝRKOD 11-13 (shyǵý eline baılanysty) áriptik-sandyq sımvoldardan turady. Ol ár joldamany resimdeý kezinde avtomatty túrde beriledi. Bul shıfr árbir týrıst úshin biregeı. Shuǵyl jaǵdaı týyndaǵan kezde týrıst qormen baılanysady, óz týrkodynyń nómirin habarlaıdy jáne jaqyn aradaǵy 24 saǵatta shuǵyl kómek kórsetýdi kútedi.
