Saıasat • 06 Sáýir, 2019

Qytaı eliniń poshta qyzmetterine júginbeı-aq sálemdemelerdi tikeleı jetkizýge bolady

1010 ret

kórsetildi

2 mın

oqý úshin

Qytaı eliniń poshta qyzmetterine júginbeı Qytaıdyń logıstıkalyq kompanııalary men Eýroodaq elderine Qazposhta arqyly sálemdemelerdi tikeleı jetkizýge bolady.

Gúlbarshyn AITJANBAIQYZY

Qytaı eliniń poshta qyzmetterine júginbeı-aq sálemdemelerdi tikeleı jetkizýge bolady

Elimizde bıznes-ortany damytý jáne saýda qyzmetin retteý máseleleri týraly zańǵa ózgerister men tolyqtyrýlar engizildi. Ol boıynsha «Qorǵas» ShYHO EEA ornalasqan bondtyq qoımadan halyqaralyq poshta jóneltilimderin tikeleı jiberý múmkindigi týdy. Bul týraly «Qazposhta» AQ basqarma tóraǵasy Sáken Sársenov óziniń Feısbýkparaqshasynda jazdy.

«Memleket basshysy «Qazaqstan Respýblıkasynyń keıbir zańnamalyq aktilerine bıznes-ortany damytý jáne saýda qyzmetin retteý máseleleri boıynsha ózgerister men tolyqtyrýlar engizý týraly» QR Zańyna qol qoıdy. Engizilgen túzetýler Qazposhtaǵa «Qorǵas» ShYHO EEA aýmaǵynda ornalasqan bondtyq qoımadan halyqaralyq poshta jóneltilimderiniń tranzıtin retteýge múmkindik beredi», – dep jazdy S.Sársenov.

Onyń aıtýynsha, endigi ýaqytta Qytaı eliniń poshta qyzmetterine júginbeı Qytaıdyń logıstıkalyq kompanııalary men Eýroodaq elderine Qazposhta arqyly sálemdemelerdi tikeleı jetkizýge bolady. Sondaı-aq, Qazaqstanda júkti resimdeý ýaqyty da aıtarlyqtaı qysqarady. «Atalǵan servısti engizý eksportty deklarasııalaý jáne taýarlardy qaıta ımporttaý kezinde halyqaralyq poshta jóneltilimderin kedendik resimdeýdi jeńildetedi. Qazposhta kásipkerlerge kedendik resimdeýdiń ońaılatylǵan túrin usynatyn bolady. Endi kez-kelgen poshta bólimshesinde taýarlarǵa arnalǵan qujattardy keden organdaryna barmaı, kedendik alymdardy tólemeı resimdeýge bolady», – deıdi Qazposhta basshysy. Odan bólek, zańǵa engiziletin túzetýler zańdy tulǵalar úshin taýarlardy jeńildetilgen eksporttaý servısin engizýge jáne eksporttaýshylarǵa taýarlarǵa arnalǵan poshta qujattaryn (kedendik deklarasııa: CN 22 jáne CN 23) paıdalanýǵa múmkindik beredi.

Almaty