Sot otyrysy. Ekinshi apta

Seısenbi, 3 sáýir 2012 7:37

Keshe Aqtaýda ótken jyldyń 16-17 jeltoqsan kúnderi Jańaózen qalasynda oryn alǵan oqıǵa­lar­ǵa baılanysty bastalǵan sot otyrysynyń ekinshi aptadaǵy májilisi odan ári jalǵasty.

Bul kúni de sot otyrysy dál belgilengen ýa­qytynda bastaldy. Sot zalyna proseske qatysý­shy­larmen qatar sottalýshylardyń týystary, dos-joldastary, halyqaralyq, respýblıkalyq baqy­laý­shylar ornalassa, arnaıy jabdyqtalǵan qo­sal­qy zalda sot otyrysyn kórýge ynta bildirgender, sondaı-aq baspasóz ókilderi de tolyq boldy.

Seısenbi, 3 sáýir 2012 7:37

Keshe Aqtaýda ótken jyldyń 16-17 jeltoqsan kúnderi Jańaózen qalasynda oryn alǵan oqıǵa­lar­ǵa baılanysty bastalǵan sot otyrysynyń ekinshi aptadaǵy májilisi odan ári jalǵasty.

Bul kúni de sot otyrysy dál belgilengen ýa­qytynda bastaldy. Sot zalyna proseske qatysý­shy­larmen qatar sottalýshylardyń týystary, dos-joldastary, halyqaralyq, respýblıkalyq baqy­laý­shylar ornalassa, arnaıy jabdyqtalǵan qo­sal­qy zalda sot otyrysyn kórýge ynta bildirgender, sondaı-aq baspasóz ókilderi de tolyq boldy.

Otyrys basynda tóraǵa A.Naǵashybaev 37 sotta­­­­lýshynyń ishinde 10 adamnyń densaýlyǵynda túrli deńgeıde kinárat barlyǵyna baılanysty sottyń usynysy boıynsha oblystyq densaýlyq saqtaý basqarmasy janynan arnaıy dárigerlik komıssııa qurylyp, onyń quramyna aımaqqa belgili, bilikti mamandar tartylǵandyǵynan habardar etti. Sodan soń qorǵaýshylar tarapynan túsken sot otyry­synyń hattamasymen kúndelikti tanysyp otyrýǵa ruqsat berý jónindegi ótinish qana­ǵattandyryldy.

Odan ári sot otyrysy jábirlenýshilerdi tyń­daý­men jalǵasty. Otyzdan astam jábirlenýshi sóz aldy. Olardyń kóbi jeke kásipkerler, avtokólik pen sha­ǵyn dúkenderdiń, halyqqa qyzmet kórsetý oryn­da­rynyń ıeleri boldy. Osy jerde rıza­shy­lyqpen atap aıta keterligi, olardyń kóbi ózderine kelgen shyǵyndardyń mólsherine qaramaı qylmys­tyq iske baılanysty bergen talap-aryzdaryn qaıtyp ala­tyn­dyqtaryn jáne de ózderiniń endi osyndaı sát­terdiń kýási bolmaıyq degen rııasyz kóńilden shyq­qan sózderin jetkizýleri edi. Bular­dyń arasynda óz­deri de bul kúnderi jumyssyz kásipker G.Baı­ma­ǵan­b­e­tov, R.Qabıeva, D.Abadjanova, Sh.Bekbosynova jáne basqalary bar. Al aýrýhanada ota jasalyp kele almaǵan abzal ana Á.Sársenovanyń qyzy Á.Jaı­shy­lyqova sot otyrysyna senimhat ákeldi. Úlken kıim-keshek dúkeniniń ıesi qansha dúnıe-múligi órtenip, qoldy bolsa da «Bala-shaǵamyz, halqymyz aman bolsyn, dúnıe-múlik úshin berilgen talap-aryzdy qaı­typ alamyz», – dep eldiktiń úlgisin kórsetipti. Jalpy abzal analardyń, qyz-kelinshekterdiń osy kúngi adam­gershilikke toly aq peıilderi týraly sot otyrysyn baqylap otyrǵan bir top aqsaqal aǵalar muny joǵary baǵalap, bul eldiktiń belgisi, túbi qaıyr bolatyn shyǵar degen rızashylyq sezimderin bil­dir­di. Biz de sondaı úkili úmitpen tarqastyq. Árı­ne, shyn aıyptylardyń zańǵa sáıkes jazasyn alýy da ádildik bolmaq. О́ıtkeni, zań barshaǵa birdeı.

Jolaman BOShALAQ,

Aqtaý.