«65 ekonomıkalyq qyzmet túrinen 365 taýarlyq pozısııa aıqyndaldy. Bul kredıtter «Bıznestiń jol kartasy-2020» arqyly sýbsıdııalanady. Maquldanǵan 6 joba boıynsha Damý qory 4,4 mlrd teńgege sýbsıdııalandyrý sharttaryn jasady», dedi mınıstr.
Onyń aıtýynsha, qazirgi kezge 283 mlrd. teńge kredıt somasyna 282 ótinim daıyndalý satysynda.
«Ekinshi deńgeıdegi bankter qaraýynda 17 mlrd. teńgege 52 ótinim. Sonymen birge bıznesti qarjylandyrýǵa qoljetimdilikti arttyrý úshin birqatar sharalar pysyqtalýda:
1.«Qarapaıym zattar ekonomıkasy» kredıtteýiniń ınvestısııalar men aıınalym qarajaty arasyndaǵy araqatynasyn qaıta qaraý;
2. «Bıznestiń jol kartasy-2020» arqyly «Qarapaıym zattar ekonomıkasyn» kepildendirý quralyn engizý;
3. «Bıznestiń jol kartasy-2020» qarjylandyrýyn arttyrý».
Mınıstr óz sózinde ákimdikterdiń óńir ekonomıkasyn damytýda yntaly bolýy tıis ekenin aıtty.
«Ákimdikter óńirlerdiń ekonomıkasyn damytýǵa múddeli bolýy tıis. Sondyqtan jergilikti atqarýshy organdar memlekettik qoldaý sharalaryn birlesip qarjylandyrýy qajet», dedi Rýslan Dálenov.
