Saltanatty sharaǵa oblys ákimi Ońdasyn Orazalın, esimi elge tanys sportshylar, Azııa jáne Álem chempıondary men olımpıada oıyndarynyń jeńimpazdary Ermahan Ibragımov,Bahtııar Artaev, Mereı Aqsholaqov, Ibragım Eskendir jáne QR ulttyq olımpıada komıteti, Respýblıkalyq hokkeı federasııasynyń ókilderi qatysty.
Týrnırge úsh jas býynnan quralǵan komandalar baq synady: Kókshetaýlyq «Arlan», Rýdnyı qalasynan «Gornıak» jáne «Aqtóbe».
«Jaqynda ǵana qalamyzda hokkeı sportymen kásipqoı túrde aınalysýǵa jaǵdaı jasaldy. Nátıjesine kýá bolǵanymyzǵa qýanyshtymyn. Muz saraıynda qurylǵan Sporttyq mektepter men «Olımp» hokkeı modýli oblysymyzda myqty hokkeıshilerdi tárbıeleıdi degen senimdemin, Aqtóbede hokkeı sporty odan ári damıdy degen úmittemin»- dedi oblys basshysy Ońdasyn Orazalın.
Ońdasyn Seıiluly sondaı-aq, «Aqtóbe» hokkeı komandasyn QR Jastar lıgasynda chempıondyq ataqqa erte qol jetkizýlerimen quttyqtap, respýblıkalyq chempıonattyń qurmetti Kýbogin tabystady. Odan ózge, oblys ákimi jeńimpazdarǵa avtobýs, sonymen qatar, oblystyq hokkeı federasııasy atynan 3 000 000 teńge berildi.
Aıta keteıik, sáýirdiń 7-sinde oblys ákiminiń Kýbogynda « Aqtóbe» HK jeńimpaz atansa, Rýdnyılyq «Shahter» ekinshi oryndy ıelendi.
