Búginnen bastap qala kóshelerin tazalaýda jańa ádis paıdalanýda. Ol týraly qala ákimi Baqyt Sultanov óziniń Facebook paraqshasynda jazdy.
«Búgin Elordanyń jol tazalaý qyzmetinde jańa ádisti qoldanýdy bastadyq. Kommýnaldyq qyzmetter alǵash ret qala joldaryn arnaıy jýǵysh qural –sýsabynmen jýa bastady. Ony qoldaný asfaltty taıǵaqqa qarsy materıaldardyń qaldyqtarynan, eskirgen japqyshtardan, munaı qaldyqtarynan jáne qysqy maýsymda paıda bolǵan maı daqtarynan tazartýǵa yqpal etedi. Qarapaıym sýmen muny tazalaý múmkin emes. Al bizge jol belgilerin salý aldynda kóshelerdi muqııat jýý óte mańyzdy», dep jazdy Baqyt Sultanov Facebook paraqshasynda.
Kommýnaldyq qyzmetterdiń shampýndi paıdalanýy jol sapasyn jáne júrgizýshilerdiń qaýipsizdigin jaqsartýǵa septigin tıgizedi. Jýǵysh zat eshqandaı zııandy zattardy bólmeıdi, óıtkeni shampýn qorshaǵan ortaǵa zııansyz. Aldaǵy ýaqytta kommýnaldyq qyzmetterdiń aldynda kóptegen jumystar bar, kósheler qajet bolsa kún saıyn tazartylatyn bolady, dep jazdy ákim.
