Atqarylyp jatqan jumystar týraly QR eńbek jáne halyqty áleýmettik qorǵaý mınıstri B. Saparbaev baıandady. Budan ózge, iske qosylǵan áleýmettik jobalar týraly «Samuryq-Qazyna» Ulttyq ál-aýqat qory» AQ basqarma tóraǵasy A. Esimov, Qyzylorda oblysynyń ákimi Q. Kósherbaev, «Atameken» UKP basqarma tóraǵasy A. Myrzahmetov, sondaı-aq, Elbasynyń «Áleýmettik qamqorlyq» ıdeıasyn belsendi qoldaǵan kásipkerler – jobalardyń avtorlary aıtyp berdi.
«Kóptegen kásipkerler Elbasynyń «Áleýmettik qamqorlyq» ıdeıasyn belsene qoldady», — dedi Premer-Mınıstr, iri bıznesmenderdiń áleýmettik jobalarǵa óz qarajaty esebinen qatýysyn atap ótip.
Úkimet basshysy bıznes-bastamalardy damytý, óziniń jeke isin ashý tájirıbesin kópshilikke taratý kerek ekenin aıtty. Kóptegen kásipkerler tabysy az azamattardy óz kásiporyndaryna jumysqa ornalastyryp, bıznes negizderine úırete bastady.
«Azamattar muqtaj jandarǵa kómek tek memleketten ǵana emes, bıznes qoǵamdastyǵynan da kelip jatqanyn bilýi kerek. Bizdiń ortaq mindetimiz – azamattarǵa ómirde ózderi tap bolǵan qıyn jaǵdaıdan shyǵýǵa kómek kórsetý», — dedi QR Premer-Mınıstri.
Áleýmettik máseleler boıynsha bıznestiń qyzyqty ıdeıalary men usynystary bar, olar Úkimetpen birigip iske asyrylýy qajet. Sondyqtan, óńirlerdiń ákimderine osyndaı bastamalardy belsendi túrde qoldaý tapsyryldy.
Budan ózge, Mınıstrler kabınetiniń basshysy kásiporyndardyń basshylaryn óz jumyskerleriniń problemalaryna, sonyń ishinde turǵyn úı problemalaryna nazar aýdarýǵa shaqyrdy.
Eńbek jáne halyqty áleýmettik qorǵaý mınıstrligine ataýly áleýmettik kómek alatyn eńbek jasyndaǵy adamdardy jumysqa ornalastyrý, oqytý jáne qaıta oqytý máselesin erekshe baqylaýǵa alý tapsyryldy.
«Olardy barynsha jumyspen qamtý qajet», — dep Premer-Mınıstr, bul jumysqa «Atameken» ulttyq kásipkerler palatasy da atsalysýy qajet ekenin aıtty.
