Nur-Sultan qalasynda 12-14 sáýirde XVIII Halyqaralyq «Yeleu cup» fýtzal týrnıri ótedi. Shara «Saıran Arena» sport kesheninde Qazaqstan Fýtbol Federasııasy (QKF), Astana Fýtbol Federasııasy (AFF) jáne Qazaqstan Respýblıkasy Mádenıet jáne sport mınıstrliginiń qoldaýymen ótkizilmek.
Qazirgi tańda bul – Qazaqstannyń eń úzdik jarystarynyń biri. Bul jarysqa Rýdnyı, Aktaý, Aqtóbe, Petropavl, Kókshetaý, Oral, Almaty, Shymkent, Semeı, Nur-Sultan qalalarynan, sondaı-aq Reseı men Qyrǵyzstannyń negizgi lıgalarynan 300-ge jýyq sportshy qatysady dep kútilýde.
Atalmysh týrnır 2002 jyldan beri dástúrli túrde ótip keledi. Eń alǵashqy jarysqa Aqmola qalasynyń quramalary ǵana qatysqan bolatyn. Ár jyl saıyn jarystyń deńgeıi kóterilip, adamdardyń da qyzyǵýshylyǵy artyp keledi.
