B. Saparbaev ataýly áleýmettik kómekti belgileýdiń negizgi sharttarynyń biri turǵylyqty jeri boıynsha turaqty nemese ýaqytsha tirkeýiniń bolýy ekenin atap aıtty. Ondaı múmkindigi joq azamattar úshin ákimdikter ýaqytsha tirkeý múmkindigin qarastyrýy qajet.
«AÁK belgileý úshin turaqty tirkeýiniń bolýy tıis. Eger azamat sońǵy bes jylda mysaly, Nur-Sultan qalasynda turyp jatsa, jáne onyń tirkeýi bolmasa, onda bul azamatty jumyspen qamtý ortalyqtary arqyly ýaqytsha tirkeýge bolady. Nur-Sultan qalasynda áleýmettik beıimdeý ortalyqtary bar. Ákimdik olardy sol jerde ýaqytsha tirkeý týraly sheshim qabyldady. Tek sodan keıin jumyspen qamtý ortalyqtary AÁK belgileý úshin olardyń qujattaryn qabyldap alady jáne tabystaryna oraı olarǵa AÁK taǵaıyndalady», — dedi B. Saparbaev.
Sonymen qatar mınıstr AÁK belgileýge baılanysty qujattardyń qabyldana bastaýymen jumyspen qamtý ortalyqtarynda úlken kezektiń paıda bolýy máselesin túsindirip, úreıge jol bermeýge shaqyrdy.
«Nur-Sultan qalasyndaǵy jumyspen qamtý ortalyqtaryna men ózim bardym. О́kinishke oraı, alǵashqy kúnderi, ásirese, birinshi onkúndikte kezek boldy. Biz barlyǵyna birden barý qajet emestigin birneshe ret túsindirgen edik. Kómekti belgileý men qujattardy qabyldaý aı boıy júrgiziledi, ol qujattardyń qaı kúni tapsyrylǵanyna baılanysty bolmaıdy», — dedi B. Saparbaev.
Ol Halyqty jumyspen qamtý ortalyqtarynyń qyzmetkerleri arasynda da AÁK belgileýdiń jańa erejelerin túsindirý jumystary júrgizilip jatqanyn aıtty.
«О́kinishke oraı, ondaı mamandar bar (esk. - qajetsiz qujattardy talap etetin). Biz olarǵa birneshe ret tek jeke kýálik qana qajet ekenin aıttyq. Aralaý kezinde biz osyndaı sátterdi baıqap, jumyspen qamtý ortalyqtarynyń basshylaryna, ákimdikterge qajetsiz qujattardy talap etpeýileri úshin tapsyrmalar berdik», — dep qosty mınıstr.
Sonymen qatar B. Saparbaev Biryńǵaı jıyntyq tólemdi tóleıtin azamattardyń AÁK alýǵa quqyly ekenin, biraq ol úshin jumyspen qamtylýǵa belsene yqpaldasý kerektigin aıtty.
