Qazirge deıin Samruk-Kazyna Trust áleýmettik jobalardy damytý qory «Samuryq-Qazynaǵa» kiretin barlyq kompanııalardyń atynan jalpy quny 4,8 mıllıard teńge bolatyn, áleýmettik mańyzdy máselelerdi sheshýge baǵyttalǵan 15 jobany júzege asyryp otyr.
Sal aýrýyna shaldyqqan 1170 balaǵa tegin ońaltý kýrstary uıymdastyryldy. Mektep jasyndaǵy 9000-nan astam jasóspirim Qordyń qoldaýymen oqý jáne sport úıirmelerine tegin qatysyp júr.
Qazaqstanda emdelmeıtin dertke shaldyqqan 100-ge jýyq balaǵa shetelde emdelýge qarjylaı kómek kórsetildi. 1400-ge jýyq Uly Otan soǵysy ardagerleri men tyl eńbekkerlerine áleýmettik-turmystyq kómek kórsetildi.
Elimizdiń 11 oblysynyń eldi mekenderinde 41 ámbebap sport jáne oıyn alańy ornatyldy. 60 kommersııalyq emes uıymnyń 120 ókiline qosymsha bilim jáne keńes berý arqyly kómek kórsetiledi, onyń ishinde 50 uıymǵa óz áleýmettik kásipterin damytýǵa qarjylaı grant berildi.
