Ár habarlama eskeriledi
Juma, 27 sáýir 2012 1:27
Ishki ister mınıstrliginiń www.mvd.gov.kz vedomstvolyq veb-portalynda «Navıgasııa» aıdarynda ishki ister organdary qyzmetkerlerin kezekten tys attestattaýdan ótkizý boıynsha bólimi jumys isteıdi. Osy portaldaǵy bólimge alda bolatyn kezekten tys attestattaý týraly tolyq aqparat, onyń ishinde attestattaýdy ótkizý erejesin retteıtin barlyq normatıvtik-quqyqtyq qujattar, attestattaý komıssııasynyń quramy jáne attestattaýǵa jatatyn IIO basshy quramynyń derbes tizimi ornalastyrylǵan.
Juma, 27 sáýir 2012 1:27
Ishki ister mınıstrliginiń www.mvd.gov.kz vedomstvolyq veb-portalynda «Navıgasııa» aıdarynda ishki ister organdary qyzmetkerlerin kezekten tys attestattaýdan ótkizý boıynsha bólimi jumys isteıdi. Osy portaldaǵy bólimge alda bolatyn kezekten tys attestattaý týraly tolyq aqparat, onyń ishinde attestattaýdy ótkizý erejesin retteıtin barlyq normatıvtik-quqyqtyq qujattar, attestattaý komıssııasynyń quramy jáne attestattaýǵa jatatyn IIO basshy quramynyń derbes tizimi ornalastyrylǵan.
Kórsetilgen aıdarda attestattaýdan ótý barysynyń hronologııasy boıynsha aqparat udaıy jańartylyp otyrady jáne qajet bolǵan kezde kórneki foto jáne beınematerıaldar da usynylady. Budan basqa, portaldyń «Interaktıvti qyzmet kórsetýler» bóliminde arnaıy «Suraq-jaýap» bólimi ashyldy, onda paıdalanýshylar Joǵary attestattaý komıssııasynan attestattaýdan ótetin quqyq qorǵaý qyzmetkerleriniń zańsyz is-áreketteri týraly habarlamalar men shaǵymdaryn qaldyra alady. Atalǵan qyzmetti paıdalaný úshin «Navıgasııa» aıdaryndaǵy «IIO qyzmetkerleriniń kezekten tys attestattaýy» atty bólimine kirý nemese portaldyń negizgi betindegi oń jaqtaǵy buryshynda ornalasqan arnaıy bannerdi basý kerek. «IIO qyzmetkerleriniń kezekten tys attestattaýy» bóliminiń betinde qalyń shrıftpen jazylǵan «osynda» degen silteme baǵyt kórsetedi. Ol arqyly «Interaktıvti qyzmet kórsetýler» bólimindegi «Suraq-jaýap» aıdaryna enýge bolady.
Qoldaný kelisimimen tanysqannan keıin habarlamany tirkeý nysanyn toltyryp, ishki ister organdarynyń qyzmetteri tiziminde «IIO qyzmetkerleriniń kezekten tys attestattaýy» jelisin tańdaý qajet. Sóıtip, barlyq tarmaqtardy, onyń ishinde habarlama mátinin toltyrǵannan keıin, «jiberý» paneline basý kerek. Árbir habarlama tekserilip, attestattaý komıssııasynyń jumysynda eskeriletin bolady.
Nurdilda ORAZ, IIM baspasóz hatshysy.
