Syndarly synaq ishki ister jáne qarjy polısııasy organdarynda ótpek

Senbi, 5 mamyr 2012 7:36

Memleket basshysynyń «Qa­zaqstan Respýblıkasy quqyq qor­­ǵaý organdarynyń qyzmet­­ker­lerin kezekten tys attestattaý týraly» Jarlyǵyna saı keleli synaqtan ótý daıyndyǵy barlyq quqyq qorǵaý organdaryn qam­typ otyr. Solardyń ishinde atqa­ratyn jumys aýqy­my men san jáne sapa jaǵynan ózgelerinen oq boıy buryn kó­ri­netin ishki is­ter organdary boıynsha 71 myń­nan astam qyzmet­ker attes­tat­taý­ǵa qatyspaq. Bul az san emes. Degenmen, jasyratyny joq, bular­dyń arasynda «bir qaryn maıdy shiritip jat­qan bir emes, talaı qumalaq­tar­dyń» bar ekeni be­lgi­li. Son­dyq­tan, ondaılardy ta­ýyp, júıeden alastatý da ońaı sha­rýa emes. Osy oraıda attes­tattaý júrgizý bul máseleni túp­kilikti sheshý­degi eń bir ońtaı­ly amal bolyp otyr.

Senbi, 5 mamyr 2012 7:36

Memleket basshysynyń «Qa­zaqstan Respýblıkasy quqyq qor­­ǵaý organdarynyń qyzmet­­ker­lerin kezekten tys attestattaý týraly» Jarlyǵyna saı keleli synaqtan ótý daıyndyǵy barlyq quqyq qorǵaý organdaryn qam­typ otyr. Solardyń ishinde atqa­ratyn jumys aýqy­my men san jáne sapa jaǵynan ózgelerinen oq boıy buryn kó­ri­netin ishki is­ter organdary boıynsha 71 myń­nan astam qyzmet­ker attes­tat­taý­ǵa qatyspaq. Bul az san emes. Degenmen, jasyratyny joq, bular­dyń arasynda «bir qaryn maıdy shiritip jat­qan bir emes, talaı qumalaq­tar­dyń» bar ekeni be­lgi­li. Son­dyq­tan, ondaılardy ta­ýyp, júıeden alastatý da ońaı sha­rýa emes. Osy oraıda attes­tattaý júrgizý bul máseleni túp­kilikti sheshý­degi eń bir ońtaı­ly amal bolyp otyr.

Búginde elimizdiń keıbir zań­namalyq aktilerine ártúrli zań­namalyq aktilerdiń normalary men sybaılas jemqorlyq quqyq buzýshylyqtaryn jasaýǵa yqpal etetin normalardyń arasyndaǵy qarama-qaıshylyqtardy, olqy­lyqtardy joıý máseleleri boıynsha ózgerister men tolyq­ty­rýlar engizildi. Bul zań buzý­shy­lyq­tar­men kúres júrgizetin qu­qyq qor­ǵaý organdaryna jaýapty mindet júkteıdi. Olardyń zańǵa saı is­te­ri de tártipke túsýi tıis. Demek, zańnamaǵa sáıkes eńbek ótiline jáne atqaryp otyrǵan laýazymdaryna qara­mas­tan ishki ister organdarynyń barlyq qyz­metkeri kezekten tys attestat­taýǵa jatady. Elbasy janynda­ǵy Joǵary attestattaý komıssııasy súzgisi­nen ishki ister organ­da­rynyń 173 basshysy ót­pek. Olar qoldanys­taǵy zańdar­dy bes saý­saqtaı bi­lýge tıis jáne dene shynyq­tyrý, atys qarýyn meńge­rý daıyndyq­tary qaralyp, psı­hologııalyq tes­ti­leýge túsedi. Attes­tattaý 14 mamyrdan bastalady. Sóıtip, al­ǵashqy toptyń synaǵy 9 maýsymda aıaqtalady. Bul attestattaýdan qandaı nátı­je shyǵady, soǵan baılanysty ári qaraıǵy tómengi býyndardaǵy is barysy jalǵasyn tappaq. Eger joǵary basshylyqta otyrǵandar­dyń ara­­­syndaǵy jurt biletin laýazymyna sáıkes emes oqaly kı­imdi shendiler orynta­ǵy­nan aıyrylatyn bolsa, attestat­taýdyń máni kirmek. Sondyqtan, «Baıaǵy jartas – bir jartas» degendeı, bári taz qalpynda qalmasa eken deı­miz. Synaqqa eki ret kelmegen qyzmetker ishki ister organynan shettetiledi.

Sol sııaqty Prezıdent Jar­lyǵyna sáıkes qarjy polısııasy organdary qyzmetkerlerin ke­zekten tys attestattaýdan ót­ki­zýge de qyzý daıyndyq júr­gi­zi­lýde. Munda attestattaýdan óte­­tin qyzmetkerdiń jumysy, eńbek ótili men tájirıbesine sáıkes qoı­ylǵan mindetterdi at­qa­rýǵa qatysý deńgeıi jáne ju­mysynyń kúrdeliligi, nátıjesi men tıimdi­ligi eskerile otyryp laýazym talaptaryna qansha­lyq­ty sáıkes keletindigi saralanyp, adamger­shi­lik tulǵasyn sıpattaıtyn ká­si­bı jáne jeke qasıetteri baǵalanady.

Attestattaýdy ótkizýdiń bas­ty maqsaty qarjy polısııasy organ­darynyń kadrlyq qura­myn qo­ǵam­nyń talaptaryna saı óziniń qyzmettik mindetterin tı­im­di atqa­ra alatyn qyzmet­kerlermen qa­­­lyptastyrý bolyp otyr. Attestat­taýdy ótkizý kezinde shy­­naıy­lyq, zańdylyq, ashyq­tyq qaǵıda­laryn qatań ustanýǵa jáne ta­myr-ta­nys­tyq pen bir­jaq­tylyq­qa jol bermeýge basa nazar aýdarylady.

Munda attestattaý birneshe kezeńde júzege asyrylatyn boldy. Áýeli ony ótkizýge daıyn­dyq, sosyn qyzmetkerlerdiń el zańda­ryn bilýin jáne logıkalyq oılaý qabiletin anyqtaý úshin kompıý­terlik testileý bolyp, dene shy­nyq­tyrý, áskerı jáne qyzmettik daıyndyq boıynsha bekitilgen normatıvterdi tapsyrý men psı­hologııalyq turaq­ty­lyqty anyq­taý úshin áńgimelesý ótedi.

Jalpy attestattaýǵa qarjy polısııasynyń 3194 qyzmetkeri jatady. Onyń ishinde: Joǵary attestattaý komıssııasyna – 73 qyzmetker, olardyń qataryna Tóraǵanyń birinshi orynbasary, Tóraǵanyń orynbasarlary, agent­tik apparatynyń basshysy, ortalyq apparattyń departament bastyqtary, oblystardaǵy, As­ta­na jáne Almaty qalalaryn­daǵy qarjy polısııasy depar­ta­mentteriniń bastyqtary men olardyń orynbasarlary, Qarjy polısııasy akademııasynyń bas­ty­ǵy bar. Ortalyq attestattaý komıssııasyna 479 qyzmetker kiredi. Olar ortalyq apparat qyzmetkerleri, taǵaıyndaýy men jumystan bosatýy agenttik nomenklatýrasyna enetin qarjy polısııasynyń aýmaqtyq organ­da­rynyń qyzmetkerleri. Al aý­maqtyq attestattaý komıssııalarynan 2610 qyzmetkeri ótedi.

Attestattaýdy ótkizý kezinde ashyqtyq pen shynaıylyqty qam­tamasyz etý jáne zań buzýshylyq derekteriniń aldyn alý maqsa­tyn­da komıssııalar jumysta­ry­na azamattyq qoǵam, buqaralyq aqparat quraldary men ardagerler uıymdarynyń ókilderin qa­ty­styrý josparlanyp otyr. Jo­ǵary attestattaý komıssııasynda ótetin qarjy polısııasy qyzmet­kerleriniń zańnamany bilýin tekserýge arnalǵan testileý Mem­le­kettik qyzmet isteri jónindegi agenttikte 5 normatıvtik-quqyq­tyq akt boıynsha júrgiziledi. Oǵan Konstıtýsııa, «Sybaılas jemqorlyqqa qarsy kúres týraly», «Quqyq qorǵaý qyzmeti týraly», «Qarjy polısııasy organdary týraly» zańdar kiredi.

Qarjy polısııasy organdary qyzmetkerlerin kezekten tys attestattaýdan ótkizý barysyn kór­setý men onyń ashyqtyǵyn qam­tamasyz etý maqsatynda Agent­tiktiń www.finpol.kz resmı veb-saıtynda «quqyq qorǵaý organdary qyzmetkerlerin kezekten tys attestattaý» atty aıdar ashyl­dy. Bul aıdarǵa kelip túse­tin óti­nishter Qarjy polısııasy agent­ti­gine jáne Prezıdent Ákim­shi­li­gine joldanady. Aryz ıesiniń aty-jóni jarııalanbaıdy. Árbir kelip túsken aqparat tekseriledi jáne attestattyq ko­mıssııa­lar­dyń ju­mysynda eske­­riletin bolady.

Aleksandr TASBOLATOV,
“Egemen Qazaqstan”