Kásiporyndy iske qosý Shyǵys Qazaqstan oblysy, Shemonaıha aýdany jáne Pervomaıka aýyly úshin mańyzdy oqıǵa. Sebebi, 10 jyl boıy toqtap turǵan biregeı kásiporyn qaıta iske qosyldy. Tabysty qyzmet jańa jumys oryndaryn qurý arqyly óńirdiń áleýmettik-ekonomıkalyq jaǵdaıyn jaqsartýǵa úles qosady.
Kásiporyn dırektory Vıktor Popov aldaǵy eki-úsh jylda sheshilýi tıis mindetterdi atap ótti. Onyń aıtýynsha, shyǵarylatyn ónimge úlken suranys bar. Japonııadan tapsyrystar túsip jatyr. 2019 jyldan 2021 jylǵa deıin 25 mln. dollardyń ónimin shyǵarý josparlanýda (500 tonna joǵary sapaly tıtan jáne 120 tonna nıobıı).
Tıtan quımalaryn shyǵarýdan basqa taǵy úsh seh salý josparlanýda. Olar: soǵý, tabaq prokattaryn jáne qubyr prokattaryn shyǵaratyn sehtar. Kásiporynnyń 10 jylǵa arnalǵan damý baǵdarlamasy jasaldy. 2024 jylǵa deıin soǵý, tabaq prokattary jáne qubyr prokattary óndirisine arnalǵan jabdyqtardy salýǵa jáne jetkizýge tartylǵan ınvestısııa kólemi 100 mln. AQSh dollaryn quraıdy.
Sondaı-aq, radarlyq jáne ǵaryshtyq tehnıka úshin tantal jáne nıobıı mıkrokondensatorlar óndirisin jolǵa qoıý josparlanýda.
