Atalǵan ýnıversıtette «Innovasııalyq menedjment» mamandyǵy boıynsha magıstr dárejesin de meńgergen. Eńbek jolyn ál-Farabı atyndaǵy Qazaq Ulttyq ýnıversıtetinen bastaǵan jas maman Almaty Menedjment ýnıversıtetinde, Narhozda aǵa oqytýshy, odan keıin Halyqaralyq Bıznes akademııasynda arnaıy pánder oqytýshy bolyp jalǵastyrǵan Sábıt Tasjarǵan atalǵan oqý ornynda Kásipkerlik jáne bıznes mektebiniń jetekshisi retinde de árdaıym biliktiligin arttyryp otyrýdy óziniń bastyny ustanymy sanaıdy. Stýdentter arasynda ótkizilgen V jáne VI Respýblıkalyq pándik Olımpıdalaryna stýdentterdi daıyndap, eki márte jeńimpaz atandy. «Enactus Kazakhstan» stýdenttik kásipkerlik respýblıkalyq baıqaýynan III oryn, «Jastar innovation» baıqaýynyń júldegeri, t.b. jetistikteri jas mamandy jańa bir belesterge shyǵýǵa bastap keledi.
«Balany óz kúshine sendirip oqytý kerektigin» óz kásibiniń ustanymyna aınaldyrǵan ol árdaıym oqýshylardy izdenister men tyń oılarǵa jetelep, pikirler almasyp otyrýǵa baǵyttaıdy jáne áleýetterin ashýǵa bar ynta-jigerin salýda. Osy baǵytta óziniń de kásibı biliktiligin arttyrýǵa baılanysty arnaıy josparlary bar.
Tájirıbeli jas maman Almaty qalasynda jas pedagogtar arasynda ótken jarysta ozyq shyqty. Baıqaýdyń birinshi kezeńinde ekonomıkalyq pánder oqytýshylarynyń arasynda I oryndy ıelense, ekinshi kezeńde aǵylshyn, matematıka, fızıka,t.b. oqytýshylary arasynan úzdik shyqty.
Osylaısha, Halyqaralyq Bıznes akademııasy arnaıy pánder oqytýshysy, kásipkerlik jáne bıznes mektebiniń jetekshisi Sábıt Tasjarǵan, «Jyldyń úzdik pedagogy – 2019» qalalyq baıqýynyń jeńimpazy bolyp tanyldy. Endigi basty jospary – respýblıkalyq baıqaýǵa qatysyp, jeńimpaz ataný. Bul qadam óz kásibine berilgen, zaman jańalyǵyn jyldam ıgerýge mashyqtanǵan jas pedagog úshin jańa bir belesterdiń bastaýy ispetti.
