Sport • 11 Sáýir, 2019

Bokstan Qazaqstan komandasy dopıngke qarsy semınarǵa qatysty

861 ret

kórsetildi

1 mın

oqý úshin

Almaty oblysynda bokstan Azııa chempıonatyna daıyndalyp jatqan Qazaqstan komandasynyń sportshylary dopıngpen kúres jónindegi kezekti semınarǵa qatysty. Jıyndy QR UOK sporttyq medısına jáne antıdopıng jónindegi departamentiniń úılestirýshisi Ǵalııa Bilálova ótkizdi dep habarlaıdy Olympic.kz.

Qarlyǵash QURAMYS

Bokstan Qazaqstan komandasy dopıngke qarsy semınarǵa qatysty

Semınardyń basty taqyryby – tyıym salynǵan sýbstansııalar, dári-dármekti tekserý tásilderi jáne synama alý erejeleri.

«Atalǵan semınar aıasynda 2019 jyly engizilgen dopıngke qarsy erejeler men ózgerister týraly aıttym. Sportshylar men bapkerler dopıng qabyldaǵandardy jaýapkershilikke tartatyn QR zań jobasynyń qaralyp jatqanynan habardar boldy. Búkilálemdik dopıngke qarsy uıymnyń nazaryndaǵy boksshylarmen ADAMS onlaın-júıesindegi jumystyń ereksheligi týraly sóılestik. Bul joly barlyq bapkerler qosyny men 43 sportshy dáris tyńdady. Mundaı semınarlar jıi ótkizilip turady, óıtkeni, biz dopıngke degen nóldik tózimdilik baǵytyn ustanamyz», - deıdi Ǵalııa Bilálova.