Forým aıasynda Nur-Sultan delegasııasy «Routes Silk Road 2019» uıymdastyrýshysy retinde Jibek joly atty tusaýkeserin ótkizdi. «Jibek jolyn» damytýǵa arnalǵan arnaıy forým osy jyldyń shilde aıynda «Routes» kompanııasynyń qoldaýymen ótedi.
Qazaqstan osyǵan uqsas is-sharany ótkizý quqyǵyn alǵan Ortalyq Azııadaǵy alǵashqy el boldy. Forýmda Nur-Sultannyń ınvestısııalyq, avıasııalyq jáne týrıstik áleýeti tanystyrylady.
Gannoverdegi «Routes Europe» qatysýshylary nazaryna Qazaqstan Úkimetiniń eldegi týrıstik ınfraqurylymdy jańǵyrtý jáne damytý, sondaı-aq vızalyq jáne kóshi-qondy baqylaý, týrızm salasyn damytýda atqarylyp jatqan birqatar sharalar jaıly aıtyldy.
Tanystyrylymdy Nur-Sultan ákimshiliginiń qoldaýymen «Astana Konvenshn Bıýro» JShS uıymdastyrǵan. Prezentasııa el astanasyn zamanaýı, yńǵaıly jáne tartymdy qala jáne týrıstik hab retinde tanytyp, elimizdiń ınnovasııalyq damýy men órkendeýine yqpal etedi.
Statıstıkalyq málimetterge saı 2018 jyly elimizge kelgen sheteldik týrısterdik sany 10% artqan.
Bıyl «Routes Europe» Eýrazııa qurlyǵynyń tanystyrǵan júzge jýyq avıakompanııa men úsh júz áýejaıdan 1,2 myńnan astam delegasııa qatysty, sondaı-aq tıisti memlekettik organdardyń ókilderi, jetekshi halyqaralyq týroperatorlar keldi.
«Routes Europe» - 1995 jyldan beri Gannoverde jyl saıyn ótkiziletin avıasııalyq marshrýttardy damytý boıynsha eýropalyq aımaqtyq forým.
