Ekspozısııada belgili keńestik jáne qazaqstandyq ǵaryshkerlerdiń fotosýretteri, ǵaryshqa ushýlar týraly eski gazetterdiń materıaldary, jerdiń alǵashqy jasandy seriginiń maketi qoıylǵan. Fılatelıst Valerıı Semenov Iýrıı Gagarınniń alǵashqy ushýyna arnalǵan markalardyń biregeı toptamasyn usyndy. Kórmeni alǵashqy bolyp astanalyq mektep oqýshylary men JOO stýdentteri tamashalady.
«Ǵaryshkerler kúni qarsańynda biz ǵarysh týraly qyzyqty ekspozısııany usyndyq. Munda gazetterdiń túpnusqalyq danalaryn, jeke derekkózderden alynǵan fotosýretterdi, túrli kórneki materıaldardy, poshta markalaryn jáne t.b. kórýge bolady. Aldaǵy ýaqytta biz muraǵat qujattarynyń kórmesin ótkizýdi jáne oǵan jas urpaqty tartýdy josparlap otyrmyz. Osylaısha, biz el tarıhynyń barlyq qyrlylyǵy men ásemdigin kórsetkimiz keledi», – dep atap ótti astanalyq memlekettik muraǵatynyń dırektory Meıram Bektembaev.
Ekspozısııany «Qazaqstan Ǵarysh Sapary» UK AQ qoldaýymen Nur-Sultan qalasynyń memlekettik muraǵaty uıymdastyrdy. Qalanyń memlekettik muraǵatyndaǵy kórme 13 sáýirge deıin jumys isteıdi.
