Jıyn barysynda sóz sóılegen aýdan ákimi B.Asanov aýdannyń negizgi ekonomıkasyn aýyl sharýashylyǵy quraıtyn bolǵandyqtan kóktemgi dala jumystaryn sátti bastaý – mańyzdy qadam ekendigin atap ótti.
«Bıyl aýdanymyzda 35 myń gektar jerge maqta, 4,5 myń gektarǵa dándi daqyl, 100 gektarǵa kúnbaǵys, 3,2 myń gektarǵa kókónis, 11,5 myń gektarǵa baqsha, 6 myń gektarǵa mal azyqtyq daqyldary egiledi dep kútilýde. Endigi maqsat - kóktemniń árbir sátti kúnin tıimdi paıdalanyp, mamyrdyń ortasyna deıin sharýalar maqta shıtin tolyq egip bitýi tıis. Endeshe, qyrmandaryńyzǵa bereke tileı otyryp, bıylǵy kóktemgi dala jumystaryn ashyq dep jarııalaımyn» - dedi Baqyt Nasyrhanuly.
Jalpy aýdan boıynsha egistik jer kólemi 61 myń gektarǵa jýyq bolsa, bıyl onyń 58 myń gektar alqabynda sor shaıý jumystary júrgizildi. Qazirgi tańda 17 401 gektar alqap tyrmalanyp, 7 681 gektar alqap chızeldengen. Sonymen qatar, erte egilgen kókónis kólemi 342 gektarǵa, dándi daqyldar 127 gektarǵa, baqsha 4 311,5 gektarǵa, júzim 5 gektarǵa jetti. Jalpy egilgen egistiń kólemi 5 590,5 gektarǵa jetti, ıaǵnı egilýi tıis alqaptyń 9,7 paıyzyn qurap otyr.
Maqtaly ólkeniń negizgi daqyly «aq altyn» bolsa, 2019 jylǵa maqtany egý úshin 760 tonna tuqymdyq shıt daıyndaldy. Baǵalary 240-350 teńge aralǵynda satylýda. Ońtústik-Batys mal jáne ósimdik sharýashylyǵy ǵylymı-zertteý ınstıtýtynan alynǵan 2019 jylǵy aýyl sharýashylyǵy daqyldarynyń ońtaıly egý merzimderi jónindegi usynysyna sáıkes, maqta daqylynyń tıimdi egý merzimi 20 sáýir men 25 mamyr aralyǵyn qurap otyr.
Kóktemgi dala jumystary úshin 954 aýyl sharýashylyǵy traktorlary, 415 chızel, 3 876 tyrma, 212 tuqym sepkish tehnıkalary saqadaı saı tur. Ol úshin sharýalarymyz sońǵy 3 aıdyń ózinde 139,3 mln tengege lızıngke jáne óz qarjylaryna 15 dana jańa tehnıka alǵan.
Kóktemgi dala jumystaryn júrgizýge 4m160 tonna janar jaǵarmaı bólinip, «Sapali Munai» JShS-i arqyly 2 925 tonna, «Alem Munai inves» JShS-i arqyly 1 235 tonna taratylýda.
Aıta keteıik, «Yrys» mıkro qarjy uıymy arqyly kóktemgi dala jumystaryna 1-shi kezekpen 184,170 mln teńge 92 sharýashylyqqa, 2-shi kezekpen 37,390 mln teńge 18 sharýashylyqqa qarajat berildi. Sondaı-aq, 3-shi kezekpen 48 sharýaǵa 72 mln teńge kóleminde qujattar daıyndalýda.
