Otyrysqa memlekettik organdar, otandyq temirjol ónimderin óndirýshi uıymdar ókilderi qatysty.
«Qazaqstan temir joly» UK» AQ Bas ınjeneri – Basqarýshy dırektor, TK 40 tóraǵasy Batyr Kotyrev TK 40 jumysynda «QTJ» UK» AQ qurylymdyq bólimsheleri men enshiles uıymdarynyń árbir tehnıkalyq sarapshy-mamanynyń úlesi jáne temirjol kóligi salasyndaǵy standarttardy ázirleýdi súıemeldeýdegi Komıtettiń mańyzdy rólin atap kórsetti.
2018 jyly uıymnyń alty satandarty, memleketaralyq standarttyń úsh jobasy ázirlendi. Sondaı-aq «Temirjol kóligi» HTK 524 standarttaý jónindegi memleketaralyq tehnıkalyq komıteti men «Railway Applications» 269 ISO/TC halyqaralyq tehnıkalyq komıtetiniń jumysy sheńberinde 7 halyqaralyq qujat, 25 ulttyq standarttar jobasy, 60 asa memleketaralyq standarttar qarastyryldy.
Otyrys barysynda ótken jyldyń qazanynda qabyldanǵan jańa «Standarttaý týraly» QR Zańynyń talaptary sheńberinde TK-40 ary qaraıǵy jumysy, «Elektrondy tehnıkalyq komıtetter» aqparattyq júıesi jumysynyń máseleleri talqylandy.
Shara sheńberinde TK №40 múshe-uıymdarynyń yńtymaqtastyǵy týraly erejege qol qoıyldy. Qujat komıtet músheleriniń standarttaý salasyndaǵy birlesken jumysyn retteıdi.
Otyrysta erekshe kózge túsken mamandar alǵys hattarmen jáne qurmet gramotalarymen marapattaldy.
