Almaty qalasynda Qytaı – Eýropa qatynasyndaǵy konteınerlik poıyzdar tasymalyn uıymdastyrý jónindegi tórtinshi birlesken jumys tobynyń otyrysy bolyp ótti. Sharaǵa Qazaqstan, Qytaı, Belarýs, Germanııa, Mońǵolııa, Polsha jáne Reseı temirjol ákimshilikteriniń ókilderi qatysty. Taraptar 2018 jyldaǵy Qytaı-Eýropa baǵdary boıynsha tasymaldy uıymdastyrý jónindegi jumys qorytyndysyn shyǵardy jáne aǵymdaǵy jyldaǵy konteınerlik tasymaldy uıymdastyrý jónindegi jumys josparyn talqylady.
«QTJ» UK» AQ Basqar Tóraǵasynyń Birinshi orynbasary Qanat Almaǵambetov otyrys qatysýshylaryna Qytaı-Eýropa-Qytaı baǵytyndaǵy tasymal kólemin arttyrý boıynsha Kompanııa qabyldap jatqan sharalar týraly aqparat bere ketti.
«Konteınerlik júkaǵynynyń artýy bizderdi tasymaldy uıymdastyrýda jańa tehnologııalardy izdeýge májbúrleýde. Biz qazir optımaldy qurastyrý shemasyn qoldana otyryp konteınerlik poıyzdardy biriktirý tásili boıynsha jumys isteýdemiz», dedi Q. Álmaǵambetov.
Shartty uzyndyǵy 80 jetetin jáne odan da kóp vagondy uzyn quramdy kontenıerlik poıyzdar jóneltý tehnologııasy engizildi. Bul ýchaskelerdiń ótkizý qabiletin artyryp, lokomotıv parki, jyljymaly quram, ınfraqurylym áleýetin aıtarlyqtaı tıimdi paıdalanýǵa múmkindik berdi.
Konteınerlik aǵynnyń negizgi bóligi Qartaly-1 memleketaralyq túıisý pýnkti arqyly balamaly baǵdarlarǵa qaıta baǵyttaldy, bul konteınerlik servıs sapasyna oń yqpal etti.
«Bizdiń ózaratıimdi yńtymaqtastyǵymyzdy ary qaraı damytý úshin konteınerlik poıyzdardy, sonyń ishinde júkaǵynynyń artýy úshin eń bir ońtaıly jaǵdaılar jasaldy», dep atap kórsetti Qytaı temir joldary bas dırektorynyń orynbasary Lı Vensın.
Otyrys qorytyndysy boıynsha Qytaı – Eýropa qatynasyndaǵy konteınerlik poıyzdarmen tasymaldaý jónindegi Birlesken jumys tobynyń Rásim erejeleri bekitildi. Qatysýshylar klıentterge keshendi qyzmet kórsetý esebinen temirjol tasymaly tartymdylyǵyn arttyrý maqsatynda ónimder men sandyq servısterdi birlese qurý jónindegi jumysty belsendilendirýge ýaǵdalasty.
2019 jyldyń aqpanynda «Samuryq-Qazyna» AQ Qor jáne portfeldik kompanııalar basshylarynyń qatysýymen transformasııa baǵdarlamasyn júzege asyrý jáne olardy damytý boıynsha keńes ótkizilgendigin qaperge sala keteıik. Keńesý barysynda Qor Basqarma Tóraǵasy Ahmetjan Esimov transformasııa arqyly árbir kompanııanyń kirisin arttyratyn jańa qadamdardy ázirleýdi tapsyrdy.
