Olardyń ekeýiniń de esimderi jankúıerlerge jaqsy tanys. Qazaqstanda, naqtyraq aıtsaq Qaraǵandy oblysynda týyp-ósken 28 jastaǵy Krıstına Hammer toqsanynshy jyldardyń basynda ata-anasymen birge Germanııaǵa qonys aýdardy. Sol jaqty kásipqoı bokspen shuǵyldanyp, 2009 jyly tusaýkeser kezdesýin ótkizdi. Sol 10 jyl aralyǵynda 25 ret rıngke kóterilip, birde-bir ret jeńilmegen edi. Krıstına birneshe nusqa boıynsha álem chempıony ataǵynynyń ıegeri.
24 jastaǵy Klaressa Shılds AQSh-tyń Mıchıgan shtatynyń týmasy. Ol eki dúrkin Olımpıada jáne eki dúrkin álem chempıony. Panamerıka oıyndarynyń jeńimpazy. 2016 jyldan beri amerıkalyq boksshy kásipqoılar arasynda baq synaýda. Sol aralyqta 8 kezdesý ótkizip, barlyǵynda basymdyq tanytty. Onyń da álem chempıony degen ataǵy bar.
Qos myqtynyń arasyndaǵy tartys 10 raýndqa sozylyp, tóreshiler jeńiske Klaressa Shılds laıyq dep sheshti. Osylaısha, Germanııanyń týy astynda óner kórsetip júrgen Qazaqstannyń týmasy óziniń karerasynda alǵash ret jeńilip qana qoımaı, altyn belbeýinen de aıyryldy.
